پێش 2 هەفتە
237 جار خوێنراوەتەوە
خەسووی ڕێبەری ئێران دڵنیایی لە تەندروستی و سەلامەتی زاواكەی دەدات
پەیام
خەسووی ڕێبەری ئێران دڵنیایی لە تەندروستی و سەلامەتی زاواكەی دەدات و زانیاریی نوێیش لەبارەی دەركەوتنی ئاشكرا دەكات.
تەیبە ماهروزادە، خەسوو، واتە دایكی هاوسەری موجتەبا خامنەیی ڕێبەری كۆماری ئیسلامیی ئێران سەرجەم ئەو دەنگۆیانەی ڕەت كردەوە كە باس لە خراپیی دۆخی تەندروستی، یان ونبوونی موجتەبای زاوای دەكەن.
ماهروزادە كە هاوسەری غولامعەلی حەدداد دەكات لە مەڕاسیمی پەراوێزی گەڕی 33هەمینی كۆنگرەی نیشتمانیی نوێژ بە فەرمی ڕایگەیاند: موجتەبا خامنەیی لە دۆخێكی تەندروستییەكی زۆر باشدایە و سەلامەتە.
ناوبراو ئاماژەی بەوەش كرد "موجتەبا لە مەراسیمی ناشتنی باوكیدا لە مەشهەد بەشدار بووە، بە چاوی خۆی بینیویەتی كە لە نێو ئامادەبوواندا بەشێوەیەكی ئاسایی و بەبێ هیچ نیشانەیەكی نەخۆشی، یان كێشەیەكی جەستەیی و هیلاكی دەركەوتووە و بەشداریی لە مەراسیمەكەدا كردووە".
ئەم لێدوانەی خەسووی ڕێبەری ئێران لە كاتێكدایە لە ماوەی ڕابردوودا لە تۆڕە كۆمەڵایەتییەكان و هەندێك میدیای دەرەوەی ئێران، دەنگۆی خراپیی دۆخی تەندروستی، یان دیارنەمانی موجتەبا خامنەیی بڵاو كرابووەوە.
لە تۆڕە کۆمەڵایەتیەکان شەیری بکە