1 کاتژمێر پێش ئێستا
46 جار خوێنراوەتەوە
وڵاتانی ئەورووپا یەدەگی گازوایل دەخەنە بازاڕەوە
پەیام
دوابەدوای هەڕەشەكانی ئەمریكا، وڵاتانی ئەورووپا ڕەزامەندییان لەسەر دەستبەجێ خستنەبازاڕی بەشێك لە یەدەگی گازوایلی خۆیان نیشان دا.
لە پەیامێكیدا لە ڕێگەی تۆڕە كۆمەڵایەتییەكانەوە، دۆناڵد ترەمپ سەرۆكی ویلایەتە یەكگرتووەكانی ئەمریكا ئاماژەی بەوە دا كە ئەورووپا ڕەزامەندیی لەسەر خستنە بازاڕی بڕێكی زۆر لە یەدەگی گازوایل داوە و پڕۆسەكە دەستبەجێ دەست پێدەكات.
ڕاگەیاندنی ئەم هەنگاوە لە لایەن سەرۆكی ئەمریكاوە هیچ وردەكارییەكی دەربارەی ڕێژە و بڕی گازوایل، یان ناوی ئەو وڵاتانەی لە پڕۆسەكە بەشدار دەبن، نەخراوەتە ڕوو.
پێشتر ئاژانسی ڕۆیتەرز بە پشتبەستن بە سێ سەرچاوەی ئاگادار، ئاشكرای كرد "ئیدارەی ترەمپ بە فەڕەنسا و ئەڵمانیای ڕاگەیاندووە پێویستە لەو یەدەگە گازوایلەی بۆ باری لەناكاو تەرخان كراوە بكشێنەوە، لە ئەگەری ملكەچ نەبوون هەڕەشەی سەپاندنی قەدەغەی هەناردەی گازوایلی لەلایەن ئەمریكاوە لێ كردوون".
لە بەرامبەر ئەم فشارانەدا، وڵاتانی یەكێتیی ئەورووپا لە میانی پەیوەندییەكی تەلەفۆنیدا تاوتوێی پلانێكی فەڕەنسایان كردووە كە بەپێی سەرچاوەكانی هەواڵ بۆ كەمكردنەوەی بەرزبوونەوەی گەورەی نرخی سووتەمەنی بڕیارە 50 ملیۆن بەرمیل گازوایل لە كۆگاكانی ئەورووپا، هاوشانی بەرهەمهێنانی 50 ملیۆن بەرمیل نەوتی خاو لەلایەن وڵاتانی ئەندام لە "ئاژانسی نێودەوڵەتیی وزە" لە ماوەی چوار مانگدا، بخرێنە بازاڕەوە.
لە تۆڕە کۆمەڵایەتیەکان شەیری بکە