پوتین: هێرشبكرێتەسەر کالینینگراد بژاردەی چەکی ئەتۆمیمان لەبەردەستدا دەبێت

پەیام

ڤلادیمێر پوتین، سەرۆكی ڕووسیا ڕایگەیاند، ئەگەر ئۆکرانیا هێرشی راستەوخۆ بکاتەسەر روسیا و بەدیاریکراویش ناوچەی کالینینگراد، ئەوانیش بژاردەی بەکارهێنانی چەکی ئەتۆمیان لەبەردەستدا دەبێت.

ئەم لێدوانانە لە كاتێكدایە كە ئاڵۆزییەكانی نێوان مۆسكۆ و هاوپەیمانیی «ناتۆ» گەیشتووەتە ئاستێكی مەترسیدار و كۆشكی كرێملین ئاماژەی بەوە كردووە، ئەو پەیامەی ئاراستەی ناتۆیان كردووە سەبارەت بە ئامادەیی مۆسكۆ بۆ بەكارهێنانی چەكی ئەتۆمی لە ئەگەری دابڕاندنی هەرێمی «كاڵینینگراد» لە خاكی ڕووسیا، هەنگاوێك نییە بۆ ئاڵۆزكردنی دۆخەكە، بەڵكو تەنیا بۆ دەستەبەركردنی ئاسایشی ئەو ناوچەیەیە. 

ڕووسیا ناتۆی بە گرتنەبەری سیاسەتێكی «مەترسیدار و سەركێشانە» تۆمەتبار كرد و هۆشداریی دا لە هەڵگیرسانی جەنگێكی ڕاستەوخۆ. لە بەڵگەنامەیەكی فەرمیشدا، مۆسكۆ هەڕەشەی ئەوەی كردووە كە بۆ بەرگریكردن لە كاڵینینگراد، هەموو تواناكانیان بەكاردەهێنن و لە كاتی هەر پێكدادانێكدا، ناوەندەكانی بڕیاردان لە وڵاتانی ئەندامی ناتۆ دەپێكن.