1 کاتژمێر پێش ئێستا
39 جار خوێنراوەتەوە
كۆلۆمبیا پەیوەندی لەگەڵ ئێران پچڕاند و بووە هاوپەیمانێكی نوێی ئەمریكا
پەیام
بەهۆی بابەتە ئەمنییەكانەوە، كۆڵۆمبیا پەیوەندییە دیپلۆماسییەكانی لەگەڵ ئێران پچڕاند و بووە هاوپەیمانێكی نوێی ئەمریكا.
حكومەتی كۆلۆمبیا بە سەرۆكایەتی ئابێلاردۆ دی لا ئێس پێریا، بە فەرمی بڕیاری پچڕاندنی پەیوەندییە دیپلۆماسییەكانی لەگەڵ ئێران ڕاگەیاند. ئەم بڕیارە لە 19ی مانگی ڕابردووەوە چووەتە بواری جێبەجێكردنەوە و وەك هەنگاوێك بۆ پاراستنی "ئاسایشی نەتەوەیی نیوەگۆی ڕۆژئاوای زەوی" وەسف كراوە.
كۆڵۆمیبا، ئێران بە پەیوەندیكردن لەگەڵ گرووپە تیرۆریستییەكان و تێوەگلانیان لە بازرگانی ماددە هۆشبەرەكان كە هەڕەشەن بۆ سەر ئاسایشی وڵاتەكەیان تۆمەتبار دەكات، بەڵام هیچ بەڵگەیەكی بۆ ئەو بانگەشەیەی نەخستووەتە ڕوو، بەڵام لە چوارچێوەی بڕیارەكەدا ئاماژەی بەوە داوە كە پەیوەندییە كونسوڵییەكانی لەگەڵ تاران دەهێڵێتەوە.
حكومەتی نوێی كۆلۆمبیا، ئێرانی بە تێكدانی ئاسایشی هاتوچۆی دەریایی لە گەرووی هورمز و هێرشكردنە سەر وڵاتانی ڕۆژهەڵاتی ناوەڕاست لە چوارچێوەی ناكۆكییەكانی لەگەڵ ئەمریكا و ئیسرائیل تۆمەتبار كرد.
ئابێلاردۆ دی لا ئێس پێریا، كە سەر بە باڵی ڕاستڕەوە، بە پشتیوانییەكی بەهێزی دۆناڵد ترەمپی سەرۆكی ئەمریكا، لە 7ی ئاب وەك جێگرەوەی، گوستاڤۆ پێترۆ كە باڵی چەپڕەو بوو، دەست بەكار بووە و هاوپەیمانییەكانی وڵاتەكەی لە چوار چێوەی سیاسەتی واشنتندا دەستنیشان كردووەتەوە.
لە تۆڕە کۆمەڵایەتیەکان شەیری بکە