پێش 2 هەفتە
226 جار خوێنراوەتەوە
ئەمریكا سزای نوێ بەسەر چەندین تۆڕی هاریكاری ئێران دەسەپێنێت
پەیام
وەزارەتی دەرەوەی ئەمریكا سەپاندنی كۆمەڵێك سزای نوێی بەسەر چەندین تۆڕ لە ڕۆژهەڵاتی ناوەڕاست و ئاسیا و ئەورووپا ڕاگەیاند، بە تۆمەتی ئەوەی بە شێوەیەكی ناڕاستەوخۆ هاوكاریی كۆماری ئیسلامیی ئێرانیان كردووە بۆ خۆدزینەوە لەو سزایانەی بەسەریدا سەپێنراون.
بەپێی ڕاگەیەندراوێكی كورتی وەزارەتی دەرەوەی ئەمریكا، ئەم سزایانە بە تایبەتی ئەو تۆڕانە دەكەنە ئامانج، كە پەیوەندییان بە كەرتەكانی هێڵی ئاسن، دروستكردنی ئۆتۆمبێل و پیشەسازیی كانزاكانەوە هەیە لە ئێراندا.
هەروەها وەزارەتی دەرەوە ڕوونیكردەوە كە واشنتن لەگەڵ ژمارەیەك لە دەوڵەتان و هاوبەشە نێودەوڵەتییەكانیدا كار دەكات بۆ ئەوەی بە تەواوی ئەو كەناڵ و دەروازانە دابخات كە تاران بۆ دەستكەوتنی داهاتی نایاسایی بەكاریاندەهێنێت، بە مەبەستی ڕێگریكردن لە پەڕینەوەی سامانی دارایی بۆ بەرنامە جۆراوجۆرەكانی ئێران و سنوورداركردنی هەوڵەكانی بۆ دەربازبوون لە گەمارۆ نێودەوڵەتییەكان.
لە تۆڕە کۆمەڵایەتیەکان شەیری بکە