1 کاتژمێر پێش ئێستا
57 جار خوێنراوەتەوە
عێراق: بەمنزیكانە جێبەجێكردنی پلانی بوونی چەك لە دەستی دەوڵەت دەستپێدەكات
پەیام
وەزیری دەرەوەی عێراق جەخت لە جێبەجێكردنی پلانی بوونی چەك لە دەستی دەوڵەت بەمنزیكانە دەكاتەوە.
لە ڕاگەیەنراوێكدا دوابەدوای كۆبوونەوەی لەگەڵ مایك نیدهام جێگری ڕاوێژكاری ئاسایشی نەتەوەیی ئەمریكا، فواد حسێن وەزیری دەرەوەی عێراق ڕایگەیاند: حكوومەتی عێراق پێداگریی لەسەر دەستپێكردنی بەمنزیكانەی پلانی بوونی چەك لە دەستی دەوڵەت دەكاتەوە كە وا بكات چەك تەنیا لە دەستی دەوڵەت و بڕیاری جەنگ و ئاشتییش تەنیا لە دەستی دامەزراوە دەستوورییەكاندا بن.
بەپێی ڕاگەیەنراوەكە، لە كۆبوونەوەكەدا جەخت لە گرنگی بەرەوپێشبردنی چوارچێوەی گشتگیری پەیوەندییەكانی عێراق ـ ئەمریكا كراوەتەوە و ئاماژەش بە هاندانی ئەو گرووپ و لایەنانە كراوە كە دەیانەوێت دەست لە چەكەكانیان و توندوتیژی هەڵبگرن و تێكەڵ بە كاری سیاسیی ببن.
لای خۆیەوە بەپێی ڕاگەیەنراوەكە، جێگری ڕاوێژكاری ئاسایشی نەتەوەیی ئەمریكا جەختی لە گرنگیی پەیوەندیی بەردەوام لەگەڵ لایەنی عێراقی كردەوە و داوایشی لە وەزیری دەرەوەی عێراق كرد بەشێوەی وەرزیی سەردانی واشنتن بكات تا هەڵوێستەكانی عێراق و كارە لەپێشینەكان بە دامەزراوەكان و ناوەندەكانی بڕیاری ئەمریكا بگەیەنێت.
لە تۆڕە کۆمەڵایەتیەکان شەیری بکە