58 خولەک پێش ئێستا
51 جار خوێنراوەتەوە
ترەمپ سزا و باجە گومرگییە نوێكانی سەر رووسیای هەڵپەسارد
پەیام
بە فەرمانێكی سەرۆكایەتی تایبەت، سەرۆكی ئەمریكا جێبەجێكردنی سزا و باجە گومرگییە نوێكانی سەر ڕووسیای هەڵپەسارد.
دۆناڵد ترەمپ، سەرۆكی ئەمریكا لە رێگەی فەرمانێكی جێبەجێكارییەوە، كاركردنی بە بەشێك لە سزا و كۆتوبەند و باجە گومرگییەكانی یاسای لیندسی گراهام بۆ سزادانی رووسیا هەڵپەسارد، پێش ئەوەی بچنە بواری جێبەجێكردنەوە.
لە فەرمانە سەرۆكایەتییەكەدا هاتووە كە بەپێی ماددەی چوارەم، بڕیار لەسەر راگرتنی سزاكان دراوە.
ئەم هەنگاوەی ترەمپ هاوكاتە لەگەڵ نزیكبوونەوەی لە مۆسكۆ و ڕەخنە ئاشكراكانی لە ڤۆلۆدیمیر زێلینسكی سەرۆكی ئۆكراینا، كە تێیدا ئاماژەی بەوە كردبوو ئۆكراینا پێویستی بە سەركردەیەكی نوێ هەیە.
بەپێی ئەو یاسایەی مانگی رابردوو لەبارەی سزادانی رووسیا پەسەند كرا، بڕیار بوو باجی گومرگی تا ئاستی سەدا 100 بەسەر كاڵای ئەو پێنج وڵاتەدا بسەپێنرێت كە زۆرترین نەوت و گازی رووسیا هاوردە دەكەن، یاخود هاوكاری مۆسكۆن بۆ دەربازبوون لە سزاكان.
چەندین وڵاتی وەك هندستان كە گەورەترین كڕیاری نەوتی رووسیایە، نیگەرانیی خۆیان بەرامبەر یاساكە دەربڕیبوو.
ئەمە و ترەمپ لە ناوەڕاستی مانگی ئەیلوولدا یاساكەی واژوو كردبوو، بەڵام ئێستا بە بڕیارێكی كتوپڕ بەربەستی لەبەردەم جێبەجێكردنی سزاكان دروست كرد.
لە تۆڕە کۆمەڵایەتیەکان شەیری بکە