1 کاتژمێر پێش ئێستا
108 جار خوێنراوەتەوە
داوا لە ناونووسكراوانی حەجی 2027 دەكرێت مامەڵەكانیان تەواو بكەن
پەیام
بەڕێوەبەرایەتیی گشتیی
حەج و عومرەی هەرێمی كوردستان داوا لەو هاووڵاتیانە دەكات كە ناویان بۆ حەجی ساڵی
2027 دەرچووە، تا ڕۆژی پێنجشەممە مامەڵەكانیان تەواو بكەن.
بەپێی ڕاگەیەندراوێكی
بەڕێوەبەرایەتییەكە، پێویستە ناوبراوان بە مەبەستی تەواوكردنی ڕێكارە یاسایی و
كارگێڕییەكان، سەردانی نووسینگەكانی حەج لە پارێزگا و ئیدارە سەربەخۆكان بكەن.
هاوكات كاروان ستوونی،
وتەبێژی بەڕێوەبەرایەتییەكە ڕایگەیاند، ئەم وادەیە بە هیچ شێوەیەك درێژ ناكرێتەوە؛
هەر هاووڵاتییەك لە كاتی دیاریكراودا ئامادە نەبێت، مافی حەجكردنی دەفەوتێت و ڕاستەوخۆ
ناوی یەدەگەكان لە شوێنی جێگیر دەكرێن.
ئەمساڵ لە ڕێگەی
ئۆنلاینەوە 120 هەزار كەس لە هەرێم ناویان بۆ فەریزەی حەج تۆمار كرد، لەو ژمارەیە
بە ڕێگەی تیروپشك 10 هەزار كەسیان ناویان بۆ هەر دوو ساڵی 2027 و 2028 دەرچوو.
لە تۆڕە کۆمەڵایەتیەکان شەیری بکە