1 کاتژمێر پێش ئێستا
96 جار خوێنراوەتەوە
ئێران: ترەمپ جەنگ هەڵبگیرسێنێتەوە كۆتاییهاتنەكەی بەدەست ئەو نابێت
پەیام
سوپای ئێران هەڕەشە لە
ئەمریكا دەكات و بەوە دەیترسێنێت كە ئاگری جەنگ ئەگەر هەڵبگیرسێتەوە ڕووبەرێكی بەرفراوانتر
دەگرێتەوە.
محەمەد ئەكرەمی نیا وتەبێژی
هێزە چەكدارەكانی كۆماری ئیسلامیی ئێران ڕایگەیاند: لە ئەگەری هێرشی ئەمریكا بۆ سەر
ئێران، ئەوە ئاگری جەنگەكە ڕووبەرێكی بەرفراوانتر دەگرێتەوە.
ئەكرەمی نیا لە هەژماری
خۆی لە تۆڕی كۆمەڵایەتی ئێكسی ئەمری، هەڕەشەی لە ئەمریكا كرد و سەرۆكی ئەو وڵاتەیشی
بە بوونی ڕابردوویەكی ناپاكانە لە ڕەوتی دیپلۆماسی تۆمەتبار كرد و جەختی لەوە كردەوە
كە ئێران بەرانبەر بە كردەوەی دوژمنانی ئامادەی جەنگە و ڕاشیگەیاند: بە وردی چاودێری
چالاكییەكانی ئەمریكا لە ناوچەكە دەكەین.
محمەد ئەكرەمی نیا ڕاشیگەیاند
"ئەگەر سەرۆكی ئەمریكا لە ژێر هەڕەشە و فریودانی زایۆنییەكان، بەزمێكی دیكە لە
ناوچەكە بەرپا بكاتەوە، ئەوە ئاگری جەنگەكە ڕووبەڕێكی زۆر بەرفراوانتر بە خۆیەوە دەبینێت
و كۆتاییهاتنی جەنگەكە بەدەست ئەو نابێت".
لە تۆڕە کۆمەڵایەتیەکان شەیری بکە