سەركردەیەكی یەكێتی: گفتوگۆکانی پێکهێنانی حکومەت نەگەیشتوونەتە قۆناغێکی دڵخۆشکەر

پەیام  

ئەندامێکی سەرکردایەتی یەکێتی ئاشكرایدەكات، هێشتا گفتوگۆکانی پێکهێنانی حکومەت نەگەیشتوونەتە قۆناغێکی دڵخۆشکەر.

لوقمان وەردی، ئەندامی سەرکرایەتی یەکێتیی نیشتمانیی کوردستان لە لێدوانێکی رۆژنامەنووسیدا رایگەیاند، سەرەڕای بوونی قسە و گفتوگۆ، بەڵام تا ئێستا هەنگاوەکان نەگەیشتوونەتە قۆناغێکی دڵخۆشکەر بۆ پێکهێنانی کابینەی نوێ، ئەمەش دەکەوێتە سەر ئەوەی لایەنی بەرانبەر تا چەند هەنگاو بێتە پێشەوە.

دەشڵێت؛ "دید و تێڕوانینی یەکێتی بۆ راستکردنەوەی رێڕەوی حوکمڕانی و پێکهێنانی حکومەتێکی شەراکەتی راستەقینەیە کە رەنگدانەوەی کۆی هاوسەنگییە هەستیارەکانی حوکمڕانی بێت".

وەردی، ئەوەشی خستەڕوو، سەرەڕای ناکۆکییە سیاسییەکانی ناوخۆی هەرێمی کوردستان، پێویستە هێزە کوردییەکان لە بەغداد یەکدەست و یەکگرتوو بن بۆ داکۆکیکردن لە مافەکانی خەڵکی کوردستان و چەسپاندنی پشکی کورد لە بودجەی عیراقدا.
ئەندامەكەی سەركردایەتی یەكێتی، جەختیشی لەوەکردەوە، ماف و دەستوری خەڵکی کوردستان بە هیچ شێوەیەک سازشی لەسەر ناکرێت.