1 کاتژمێر پێش ئێستا
189 جار خوێنراوەتەوە
دژ به بۆردومانكردنی به‌نده‌ره‌كانی؛ ئێران سكاڵای له‌سه‌ر ئه‌مریكا تۆمار كرد
په‌یام
ئێران پەڕاوێکی دەربارەی هێرشەکانی ئەمریکا و ئیسرائیل بۆ سەر بەندەرەکانی پێشکەشی ڕێکخراوی نێودەوڵەتیی دەریاوانی کرد و هۆشداریی لە هەڕەشە بۆ سەر ئاسایشی کەشتیوانیی ناوچەکە دا.
بەپێی هەواڵێکی ئاژانسی فەرمیی هەواڵی ئێران (ئیرنا)، تاران دۆسیەیەکی تێروتەسەلی ڕادەستی ئەنجومەنی ڕێکخراوی نێودەوڵەتیی دەریاوانی (IMO) کردووە، کە کۆمەڵێک بەڵگەنامە و وێنەی تێدایە و تێیدا هێرشەکانی ویلایەتە یەکگرتووەکانی ئەمریکا و ئیسرائیل بۆ سەر بەندەرە ئێرانییەکان، کەشتییە مەدەنییەکان و ژێرخانی دەریایی وڵاتەکە بە تاوانی جەنگ تۆمار کراون.
ڕاپۆرتە پێشکەشکراوەکە بە وردی تیشک دەخاتە سەر ئەو زیانە گەورانەی بەر ژێرخانی بەندەرەکان کەوتوون؛ هاوکات وێنە هاوپێچکراوەکانی نێو دۆسیەکە وێرانبوونی ناوەندی هەماهەنگیی گەڕان و ڕزگارکردنی دەریایی، تێکشکانی کەشتییەکانی فریاگوزاری و زیانپێگەیشتنی بەشێکی بەرچاو لە دامەزراوە بنەڕەتییەکانی بەندەرەکان دەخەنە ڕوو.
لە بەشێکی دیکەی ڕاپۆرتەکەدا، تاران هۆشداریی داوە کە لێکەوتەکانی ئەم هێرشانە تەنیا لە لەناوبردنی دامەزراوە و کەشتییەکاندا نامێننەوە، بەڵکوو بەهۆی بەئامانجگرتنی تاوەرەکانی چاودێریی جووڵەی دەریایی، ئامێرەکانی پەیوەندیکردن و ناوەندەکانی فریاکەوتن، مەترسییەکی ڕاستەقینە بۆ سەر سەلامەتیی کەشتیوانی لە کەنداوی فارس، گەرووی هورمز و دەریای عومان دروست بووە.
لە تۆڕە کۆمەڵایەتیەکان شەیری بکە