هەڕەشەی ناڕاست، گەشتەكانی چەندین وڵاتی ئەورووپای پەكسخت

پەیام  
بەهۆی هەڕەشەی ناڕاستی بۆمبڕێژكردن، سەرجەم گەشتە ئاسمانییەكانی چەندین كۆمپانیای فڕۆكەوانیی گەورەی ئەورووپا ڕووبەڕووی حاڵەتی نائاسایی و نیشتنەوەی ناچاری بوونەوە.
كۆمپانیای "ئێر لینگوس"ی ئێرلەندی ڕایگەیاند، كە گەشتەكەی نێوان دبلن و ڕۆما بە سەلامەتی لە فڕۆكەخانەی ئیڤرۆ لە ڕۆژئاوای پاریس نیشتووەتەوە، هاوكات فڕۆكەیەكی كۆمپانیای "لۆت"ی پۆڵەندیش لە فڕۆكەخانەی برۆكسل نیشتووەتەوە.

هەروەها لە بولگاریا سێ فڕۆكە گەشتەكانیان گۆڕیوە بۆ فڕۆكەخانەكانی سۆفیا و پلۆڤدیڤ.
ئەم شەپۆلی هەڕەشە نائاساییانە بوونە هۆی تێكچوونی تەواوی خشتەی گەشتە نێودەوڵەتییەكان لە مەدرید و میلانۆش، بەڵام دوای پشكنینی ورد دەركەوتووە كە هیچ ماددەیەكی تەقەمەنی لەناو فڕۆكەكاندا نەدۆزراوەتەوە كە وڵاتانی فەرەنسا، بولگاریا، بەلجیكا، ئیسپانیا و ئیتاڵیای گرتەوە.

ئەم ڕووداوانە دوای زنجیرەیەك هەڕەشەی هاوشێوە دێن كە پێشتر گەشتە دەریاییەكانیشی كردبووە ئامانج، بەڵام تا ئێستا هیچ لایەنێكی دیاریكراو بەرپرسیارێتیی خۆی لەم پشێوییە گەورە و ترسناكە ڕانەگەیاندووە و لێكۆڵینەوەكانیش بەردەوامن بۆ دۆزینەوەی سەرچاوەی هەڕەشەكان.