ڕێكخراوی فاو: نرخی خۆراك لەسەر ئاستی جیهان لە مانگی ڕابردوودا دابەزیوە

پەیام  

ڕێكخراوی «فاو» دابەزینی نرخی پێداویستییە خۆراكییەكانی لەسەر ئاستی جیهان لە تشرینی یەكەمدا بە فەرمی ڕاگەیاند.
بەپێی داتاكانی ڕێكخراوی خۆراك و كشتوكاڵی نەتەوە یەكگرتووەكان (فاو)، نرخی جیهانیی خۆراك لە مانگی رابردوودا  دابەزینی بەخۆیەوە بینیوە، بەڵام بەراورد بە هەمان مانگی ساڵی ڕابردوو، بە ڕێژەی 5.9%  بەرزتر بووە.

ڕێكخراوەكە لە ڕاگەیەندراوێكدا ئاشكرای كرد، تێكڕای پێنوێنی نرخی كاڵا خۆراكییەكان بەپێی خوێندنەوەی هەمواركراو، لە مانگی تشرینی یەكەمدا 133.9 خاڵ بووە، بەڵام لە مانگی ئەیلوولدا لەسەر ئاستی 135.6 خاڵ تۆمار كرابوو، بەمەش دابەزینێكی مانگانەی تۆمار كردووە.
ئەم پێنوێنە بە وردی پێوانەی گۆڕانكارییە مانگانەكانی كۆمەڵێك كاڵای سەرەكیی خۆراك دەكات كە لە جیهاندا ئاڵوگۆڕیان پێوە دەكرێت، هەروەها نیشاندەری بەردەوامیی فشارە ئابوورییەكانە لەسەر بازاڕی خۆراك سەرەڕای ئەم دابەزینەی دوایی.

سەرەڕای ئەم پاشەكشەیەش، نرخەكان هێشتا بە ڕێژەی 16.4% كەمترن لە بەرزترین ئاستی مێژوویی خۆیان كە لە ئاداری ساڵی 2022 تۆماریان كردبوو، ئەوەش بەردەوامیی دووركەوتنەوە لە لوتكەی هەڵكشانی ئەوكاتەی بازاڕەكان دەسەلمێنێت.