15/03/2025
428 جار خوێنراوەتەوە
پاڵەوانیكی میسڕی بە زمانی بەڕۆژووەوە شەمەندەفەرێكی 279 تەنی ڕاكێشا
پەیام
پاڵەوانیكی میسڕی دوای ڕاكێشانی شەمەندەفەرێكی 279 تەنی بە ددان و شانەكانی و بە زمانی بەڕۆژووەوە ناوی چووە ناو كتێبی گینیسەوە.
لە چالاكییەكی بێپێشینەدا، ئەم پاڵەوانەی وێنەكەی لەسەر شاشە دەردەكەوێت توانی ژمارەیەكی پێوانەیی نوێ تۆمار بكات و ناوی بچێتە كتێبی گینیسەوە، ئەوەش دوای ئەوەی بە زمانی بەڕۆژووەوە شەمەندەفەرێكی 279 تەنی بە مەودای 10 مەتر بە ددان و شانەكانی ڕاكێشاوە.
پاڵەوانەكە ناوی ئەشرەف مەحروسە و بە (كابۆجا) ناسراوە، لە وێستگەی شەمەندەفەری ڕەمسیس لە قاهیرەی پایتەختی میسڕ چالاكییەكی ئەنجام داوە، ئەوەی جێگەی سەرنجە "بە زمانی بەڕۆژووەوە" كارەكەی كردووە.
چالاكییەكە بە بەسەرپەرشتی دوو ناوبژیوانی نێودەوڵەتیی كتێبی گینیس بۆ ژمارە پێوانەییەكان بەڕێوە چووە.
لە تۆڕە کۆمەڵایەتیەکان شەیری بکە