میلۆنى وەڵامى ترەمپ دەداتەوە و دەڵێت من و ئیتاڵیا هەرگیز ناپاڕێینەوە

پەیام

سەرۆكوەزیرانی ئیتاڵیا لە وەڵامی قسەیەكی سەرۆكی ئەمریكادا دەڵێت: ئێمە هەرگیز ناپاڕێینەوە. وەزیری دەرەوەی ئیتاڵیاش سەردانێكی بۆ واشنتۆن هەڵوەشاندەوە.

دوای ئەوەی دۆناڵد ترەمپ سەرۆكی ئەمریكا لە لێدوانێكی تەلفونییدا بۆ كەناڵی (لاحەوت)ی ئیتاڵی ڕایگەیاند: جۆرجیا میلۆنی سەرۆكوەزیرانی ئیتاڵیا لە پەراوێزی لوتكەی گرووپی حەوت لە فەڕەنسا لێم پاڕاوەتەوە كە وێنەیەكی لەگەڵدا بگرێت، منیش ئەگەر بەزەییم پێیدا نەهاتایەوە وێنەم لەگەڵ نەدەگرت! جۆرجیا میلۆنی سەرۆكوەزیرانی ئیتاڵیا ڕایگەیاند: نازانم بۆچی سەرۆكی ئەمریكا بەو شێوەیە لەگەڵ هاوپەیمانەكانی مامەڵە دەكات؟! بەڵام هەر چۆنێك بێت شتێك هەیە كە بیری ترەمپی بخەمەوە ئەوەیە كە من و ئیتاڵیا هەرگیز ناپاڕێینەوە.

لە تۆمارێكی ڤیدیۆییدا لە تۆڕی ئێكس، میلۆنی شۆكبوونی بە قسەكانی ترەمپ ڕاگەیاند و وتیشی: ئەوە بە تەواوەتی دروستكراوە.

هەر لە كاردانەوەی ئەو قسانەی ترەمپدا، ئەنتۆنیۆ تایانی  وەزیری دەرەوەی ئیتاڵیا سەردانێكی بۆ واشنتۆن هەڵوەشاندەوە كە بڕیار بوو سبەی و دووسبەی ئەنجامی بدات.

لەوبارەوە وەزیری دەرەوەی ئیتاڵیا ڕایگەیاند: ئەوەی ترەمپ وتویەتی خراپ و مەترسیدارە.