پێش 3 هەفتە
509 جار خوێنراوەتەوە
بەهۆی گەرماوە بارى نائاسایی لە 60 هەرێم و ناوچەى فەرەنسا ڕاگەیەنرا
پەیام
دەزگای كەشناسیی فەڕەنسا بەهۆی هاتنی شەپۆلێكی گەرمای توندەوە حاڵەتی ئەوپەڕی ئامادەیی لە دەیان ناوچە و هەرێمی وڵاتەكەی ڕاگەیاند.
دەزگای كەشناسی فەرەنسا بڵاوی كردەوە: حاڵەتی ئامادەیی ڕەنگ پڕتەقاڵی لە 60 هەرێم و ناوچە بەردەوام دەبێت بەهۆی ئەو شەپۆلی گەرما نائاساییەی وڵاتی گرتووەتەوە.
بەپێی ئەوەی دەزگای كەشناس ڕایگەیاندووە "بەكۆی گشتی ئاگاداركردنەوە بۆ دوو لەسەر سێی هەرێمەكانی فەرەنسا دەركراوە كە پێشبینی دەكرێت پلەكانی گەرما تێیاندا 38 پلەی سەدی تێبپەڕێنێت".
هەر لەو میانەیەدا و بۆ ئامادەكاریی هاتنی شەپۆلی گەرما، بڕیارە سەباستیان لیكورنو سەرۆكوەزیرانی فەرەنسا بە بەشداری 14 وەزیر سەرپەرشتی كۆبونەوەی شانەی قەیرانەكان بكات.
مانگی ڕابردوو شەپۆلێكی بێوێنەی گەرما وڵاتی فەرەنسای گرتەوە و بەرزبوونەوەی پلەكانی گەرما ژمارەی پێوانەیی بۆ ئەو مانگە شكاند و لە زۆرێك لە ناوچەكانی فەرەنسا هەرە گەرمترین ڕۆژەكان تۆمار كران.
لە تۆڕە کۆمەڵایەتیەکان شەیری بکە