13/06/2026
388 جار خوێنراوەتەوە
"پیسبوونی هەوا بە ڕێژەیەكی مامناوەندیش تووشبوون بە نەخۆشییەكانی دڵ بەرزدەكاتەوە"
پەیام
بەپێی لێكۆڵینەوەیەكی نوێ پیسبوونی هەوا بە ئاستێكی مامناوەندیش مەترسی تووشبوون بە نەخۆشییەكانی دڵ زیاد دەكات.
ژمارەیەك پزیشك لە وڵاتی كەنەدا لە لێكۆڵینەوەیەكدا ئەوەیان ئاشكرا كرد: ڕێژەیەكی مامناوەندی پیسبوونی هەواش دەبێتە هۆی زیادكردنی مەترسی تووشبوون بە نەخۆشییەكانی دڵ بە ڕێژەی لە سەدا 23 و گیرانی خوێنهێنەرەی سەرەكی دڵ بە لەسەدا 13.
زانایان لە زانكۆی تۆرنتۆی كەنەدی ئاماژە بەوە دەكەن كە "پیسبوونی هەوا تەنانەت لەو ئاستانەی گوایە پارێزراوە، كاریگەری نەرێنی لەسەر تەندروستیی دڵ و دەمارەكان دەبێت و ئەگەری تووشبوون بە نەخۆشییەكانی دڵ بەشێوەیەكی بەرچاو بەرزدەبێتەوە لای ئەو كەسانەی لەو ناوچانەدا دەژین كە پیسبوونی هەوای تێدا مامناوەندە و ئەوەش لە زۆرینەی وڵاتانی پێشكەوتوودا شتێكی باوە".
ئەو پزیشكانە لەدوای بەدواداچوون بۆ دۆخی تەندروستی زیاتر لە 11 هەزار نەخۆش لە ئاستی خانەنشینی و پێش خانەنشینی لەنێوان ساڵانی 2012 بۆ 2023 و دوای ئەوەش كە كاریگەری پیسبوونی هەوایان لە شارە گەورەكان لەسەر تەندروستیی دڵ و دەمارەكان ئاشكرا كرد، بەو دەرەنجامە گەیشتن.
لە تۆڕە کۆمەڵایەتیەکان شەیری بکە