29/08/2026
345 جار خوێنراوەتەوە
عامرى: یاسای حەشدی شەعبی پەسەنددەکەین و سەرۆکوەزیرانیش پاڵپشتێتى
پەیام
هادی عامری ڕایگەیاند یاسای حەشدی شەعبی پەسەند دەكەن و سەرۆكوەزیرانیش پشتگیری لەم هەنگاوە دەكات.
هادی عامری، سكرتێری گشتی ڕێكخراوی بەدر، لە كۆبوونەوەیەكدا لەگەڵ سەرۆك عەشیرەتە عێراقییەكان ئاشكرای كرد كە دەستیان بە ڕێكارەكانی پەسەندكردنی یاسای حەشدی شەعبی كردووە.
عامری ئاماژەی بەوە كرد كە لەگەڵ سەرۆكوەزیرانی عێراق قسەی كردووە و ئەویش هاوڕایە لەسەر ئەم بڕیارە.
ناوبراو بەرگری لە گروپەكانی بەرگری كرد و بە پارێزەری ڕاستەقینەی سەروەری عێراق لە دژی داعش و داگیركەران ناوی بردن.
ئەم هەوڵە نوێیە لە كاتێكدایە كە پێشتر لە ئازاری 2025دا، پڕۆژەیاسای خزمەت و خانەنشینی حەشد لە پەرلەمان كێشرایەوە بۆ ڕێگریكردن لە ململانێ سیاسییەكان و ناڕەزایەتییەكانی ئەمریكا، كە ببووە هۆی پەككەوتنی كۆبوونەوەكانی پەرلەمان.
ئێستا لایەنە شیعەكان دەیانەوێت بەم یاسایە پێگەی هێزەكانی حەشد بە فەرمی وەك بەشێك لە سیستەمی بەرگری دەوڵەت جێگیر بكەن.
لە تۆڕە کۆمەڵایەتیەکان شەیری بکە