چوار بوومەلەرزە قەزای خانەقین- یان هەژاند

په‌یام

وەزارەتی گواستنەوەی عێراق رایگەیاند کە چوار بوومەلەرزە بەگوڕەکانی ٤،١ و ٢،٦ و ٣،٦ و ٣،٧ پلە بەپێوەری رێختەر،‌ باشووری رۆژھەڵاتی قەزای خانەقین سەربە پارێزگای دیالە-یان ھەژاندووە.

وەزارەتی گواستنەوەی عێراق لە راگەیەندراوێکدا ئاماژەی بەوە داوە کە روانگەی بوومەلەرزانی سەربە دەستەی گشتیی کەشناسی رایگەیاندووە، بەرەبەیانی ئەمڕۆ دووشەممە، چوار بوومەلەرزە بەگوڕەکانی ٤،١ و ٢،٦ و ٣،٦ و ٣،٧ پلە بەپێوەری رێختەر باشووری رۆژھەڵاتی قەزای خانەقین-یان هەژاندووە.

بەپێی راگەیەندراوەکە، دانیشتوانی قەزای خانەقین و دەورووبەری ھەستیان بە بوومەلەرزەکان کردووە.

لە راگەیەندراوەکەدا ئاماژە بە کەوتنەوەی زیانی گیانی و ماددەیی بومه‌له‌رزه‌كان نەدراوە.