02/12/2024
696 جار خوێنراوەتەوە
مەزڵوم عەبدی: لە هەوڵداین بۆ كردنەوەی ڕێڕەوێك بۆ دەرچونی كوردانی تەلڕەفعەت و حەلەب
پەیام
فەرماندەی گشتی هێزەكانی سوریای دیموكرات رایگەیاندووە، هێرشی كتوپڕ و لە ناكاویان لە چەند لایەكەوە لەلایەن میلیشیاكانی نزیك لە توركیاوە كراوەتە سەر و لە هەوڵیشدان بۆ دەستەبەركردنی ڕێڕەوێكی ئارام بۆ دەرچوونی دانیشتوانی تەلڕەفعەت و شەهبا.
مەزڵوم عەبدی، فەرماندەی گشتی هێزەكانی سوریای دیموكرات لە هەژماری خۆی لە تۆڕی ئێكس رایگەیاندووە، هەوڵەكانیان خستوەتە گەڕ بۆ دەستەبەركردنی ڕێڕەوێكی ئارام بۆ دانیشتوانی ناوچەكانی تەلڕەفعەت و شەهبا و ناوچەكانی حەلەب، بەڵام بەهۆی پەلامار و بۆردومانی گرووپەكانی نزیك لە داگیركەری توركییەوە هەوڵەكان سەریان نەگرتووە.
فەرماندەی گشتی هێزەكانی سوریای دیموكرات راشیگەیاندووە، تاكو ئێستا چەند یەكەیەكی هێزەكانیان لە گەڕەكە كوردییەكانی شاری حەلەب ماونەتەوە كەلەلایەن گرووپەكانی نزیك لە داگیركەری توركییەوە گەمارۆدراون، هەوڵەكان بۆ كردنەوەی ڕێڕەوێكی ئارام بۆ دانیشتوانی كوردی ئەو ناوچانەش لە ئارادایە.
لە هەمان كاتدا، وتەبێژی میلیشیاكانی نزیك لەتوركیا رایگەیاندووە، پێشنیاریان بۆ هێزە كوردییەكان كردووە بە خۆیان و چەكەكانیانەوە لە ناوچەكانی حەلەب دەربچن.
لە تۆڕە کۆمەڵایەتیەکان شەیری بکە