19/01/2025
654 جار خوێنراوەتەوە
تیکتۆک لە ئەمریکادا لەکارکەوت
پەیام
یاساى قەدەغەکردنى تیکتۆک لە ئەمریکادا، چووە بوارى جێبەجێکردنەوە و لەئێستادا ئەپەکە بۆ بەکارهێنەرە ئەمریکییەکان بەردەست نییە.
ڕۆژى 17ى ئەم مانگە دادگاى باڵاى ئەمریکا یاسایەکى بۆ قەدەغەکردنى تیکتۆک لە وڵاتەکەدا پەسەندکرد. ئەمەش بەردەوام دەبێت ئەگەر بێت و ئەمریکا نەتوانێت خاوەندارێتییەکەى لە کۆمپانیا چینییەکە وەربگرێت.
بڕیارەکەى دادگا لە ئەمڕۆوە 19/1/2024 چووە بوارى جێبەجێکردنەوە و تیکتۆک بە نامەیەک بەشێکى زۆرى لە بەکارهێنەرانى لە ئەمریکادا لە داخستنى ئاگادار کردەوە.
ئەپى تیکتۆک لە ئەمریکادا زیاتر لە 170 ملیۆن بەکارهێنەرى هەیە و بەشێکى زۆریش لەو بەکارهێنەرانە، تەواوى بزنسەکانیان پەیوەستە بە ئەپەکەوە و بڕیارى قەدەغەکردنیشى تووشى داڕمانى ئابووریان دەکات.
هەر ئەمریکا نییە بەتەنیا، ئەگەر تۆ ئەپستۆرییەکەت بە ئەمریکى تۆمارکردووە یان گوگڵ پلەیى مۆبایلەکەت بە جیمێڵى ئەمریکى کارا کردووە، ئەوا ئەپى تیکتۆک لەلاى تۆش سڕاوەتەوە.
لە تۆڕە کۆمەڵایەتیەکان شەیری بکە