پێش 4 هەفتە
160 جار خوێنراوەتەوە
سوودانی: پەیوەندییەكانی عێراق و توركیا پێشكەوتوون
پەیام
لە میانی سەردانەكەی بۆ
توركیا سەرۆكوەزیرانی عێراق لە بارەی پەیوەندییەكانی عێراق و توركیا ڕایگەیاند، پەیوەندییەكانمان
بەس نییە بەوەی وەك پەیوەندی دراوسێیەك پێناسە بكرێت، لەبەر ئەوەی پەیوەندی نێوان
هەردوو وڵات بەپێی كات پەرەیان سەندووە و پێشكەوتوون.
محەمەد شیاع سوودانی
وتیشی، دەخوازین پەیوەندییەكانی توركیا وعێراق ببنە بەشێك لە هاوكێشەی سەقامگیری هەرێمیی،
سودانی ڕوونیشی كردەوە كە هەڵسەنگاندن بۆ ڕەهەندە هەرێمیی و نێودەوڵەتییەكان، یەكێكە
لە پرسە هەنووكەیی و سەرەكییەكانی ڕۆژهەڵاتی ناوەڕاست.
سوودانی تیشكی خستە سەر
ڕێگای گەشەپێدان بە ڕێبەرایەتی توركیا وعێراق و ڕاشیگەیاند: پرۆژەكە یەكێكە لە
گرنگترین پرۆژەكانی ڕۆژهەڵاتی ناوەڕاست.
سودانی دوای كۆتاییهاتنی
سەردانەكەی سودانی گەڕایەوە بەغداد و بەپێی زانیارییەكانی نووسینگەی ڕاگەیاندنەكەی
لەو سەردانەدا جگە لە كۆبوونەوە لەگەڵ سەرۆككۆماری توركیا، بەشداریی كۆبوونەوەی
چوارەمی باڵای ئەنجوومەنی هاریكاریی ستراتیژیی كردووە.
هەروەك سەرپەرشتیی 10 یادداشتی
لێكتێگەیشتنی لە بوارە جۆراوجۆرەكاندا كردووە.
لە تۆڕە کۆمەڵایەتیەکان شەیری بکە