پێش 2 هەفتە
415 جار خوێنراوەتەوە
پەیام ناوەڕۆکى سکاڵاى فەرمانبەرانى هەرێم لە دادگاى باڵاى فیدراڵى دەخاتەڕوو
پەیام: هاوکار
جەزا
پاش بڕیاریى
ڕاگرتنى ناردنى مووچەى فەرمانبەران و مووچەخۆرانى هەرێم لەلایەن وەزارەتى
داراییەوە، ژمارەیەک فەرمانبەرى هەرێم لە دژى بڕیارەکە سکاڵای یاساییان لە دادگاى
باڵاى فیدراڵى تۆمارکرد و پەیام ناوەڕۆکى سکاڵاکە دەخاتەڕوو.
بەگوێرەى
زانیارییەکانى پەیام، ناوەڕۆکى سکاڵاى فەرمانبەرانى هەرێم لە دادگاى باڵاى فیدراڵى
لە سێ خاڵى سەرەکى پێکدێت کە:
1. دەركردنی فەرمانسالاری "الأمر
الولائي" بۆ ڕاگرتنی نووسراوەكەی وەزارەتی دارایی عێراق و بەردەوامی مووچە لە
لایەن بەغدادەوە، بۆ فەرمانبەران و مووچەخۆرانى هەرێمى کوردستان.
2. جیاكردنەوەی مووچەی فەرمانبەرانی هەرێم
لە ئینفاقی فیعلی "خەرجی ڕاستەقینە".
3.
جیاكردنەوەی مووچەی مووچەخۆران و فەرمانبەرانی هەرێم لە ناكۆكی نێوان هەرێم و بەغداد لە سەر نەوت و داهاتەکان.
سەرچاوەیەکى ئاگادار لەو بارەیەوە بە
پەیامى ڕاگەیاندووە،"چاوەڕێدەكرێت سبەینێ دادگا "ئەمرە وەلائیەكە" دەربكات و
دواتریش لەو دوو داواکەى دیكە بكۆڵێتەوە".
لاى خۆیەوە سۆران عومەر سەرۆکى فراکسیۆنی کۆمەڵ لە ئەنجوومەنى
نوێنەرانى عێراق لەبارەى سکاڵاکەوە ڕایگەیاند: سكاڵاكەی ئەمڕۆ چەند فەرمانبەرێك تۆماریان
كردووە و هیچ لایەنێكیش خاوەنی نییە.
ئاماژەى
بەوەشکرد: دادگا قەناعەتی بەوە هێناوە فەرمانسالاریی بۆ خەرجكردنی مووچە دەربكات.
لە تۆڕە کۆمەڵایەتیەکان شەیری بکە