09/06/2025
357 جار خوێنراوەتەوە
یابان.. تەقینەوەیەك لە بنكەیەكی ئاسمانیی هێزەكانی ئەمریكا ڕوویدا
پەیام
تەقینەوەیەك لە بنكەیەكی سەربازی هێزەكانی ئەمریكا لە یابان ڕوویدا و بەو هۆیەوە چوار هاووڵاتی یابانی سەربە هێزە ناوخۆییەكانی ئەو وڵاتە بە سووكی برینداربوون.
میدیاكانی ئەو وڵاتە بڵاویان كردەوە، بەیانی ئەمڕۆ تەقینەوەیەك لە شاری ئۆكیناوا و لە بنكەی كادینای ئاسمانی تایبەت بە هێزەكانی ئەمریكا ڕوویداوە و بەو هۆیەوە چوار هاووڵاتی یابانی كە لە بنكەكە كاریان كردووە برینداربوون.
بەپێی هەواڵی میدیاكانی یابان، تەقینەوەكە لە كۆگایەكی تەقەمەنی بنكەكە ڕوویداوە كە تایبەت بووە بە هێزە ناوخۆییەكانی یابان و دەنگی تەقینەوەكەش لە دوورەوە بیستراوە، بەڵام هێشتا نازانن كە هۆكاری تەقینەوەكە چی بووە.
لە بەرامبەردا تەندروستی سەربازی بنكەكە رایگەیاندووە، برینی بریندارەكان سووكە و مەترسی بۆ سەر ژیانیان نییە.
لە تۆڕە کۆمەڵایەتیەکان شەیری بکە