دەستەی پزیشكانی ناڕازی ڕاگەیەنراوێكی لەبارەی ڕاگرتنی دامەزراندنەوە بڵاوكردەوە

پەیام

بەهۆی دانەمەزراندنی پزیشكی نوێوە نوێنەرایەتی دەستەی پزیشكانی ناڕازی ڕاگەیەنراوێكیان بڵاوكردەوە  و ڕایانگەیاند دوای ماوەیەكی زۆر لە بێ هەڵوێستی وەزارەتی تەندروستی سەبارەت بە كێشەی دامەزراندن، سەرجەم پزیشكانی گەنجی شارەكانی هەولێر، سلێمانی، هەڵەبجە، كۆیە، سۆران، ڕانیە و قەڵادزێ بایكۆتی نەخۆشخانەكانیان دەستپێكرد بە هیوای چارەسەرێك بۆ كێشەكە.

وەك كاردانەوەیەك بۆ بایكۆتەكە، بەڕێوەبەری گشتیی ئاسایشی هەولێر، بارزان قەساب، پێداگری لەسەر دانیشتنێك لەگەڵ نوێنەرانی پزیشكانی دامەزراوی هەولێر كرد بەڕێوەبەری گشتی ئامادەی سازان نەبوو لەسەر داواكارییەكان و كۆبوونەوەكە بێ ئەنجام كۆتایی هات.

دواتریش لەلایەن بەڕێوەبەری گشتیی تەندروستیی هەولێرەوە كۆبوونەوەیان لەگەڵ كراوە و پاشان بڕیاری شكاندنی بایكۆتیان داوە و لەبەرانبەر چەند دەستكەوێك وەك بەڵێنی ئەو لایەنانەی سەرەوە بە یەكلاییكردنەوەی كێشەی دانەمەزراندن لەم هەفتەیە و گفتوگۆی ئەنجومەنی وەزیرانیش لە هەفتەی داهاتوو بۆ گفتوگۆكردن لەسەر پرسی داهاتی ناوخۆ، دامەزراندن و پلەبەندیی پزیشكان.

هەروەها نەهێشتنی سزاكانی بەڕێوەبەرایەتی لەو ڕۆژە.

دەشڵێن كە دەستە كوردستانییەكە ئامانجەكەی بە واژۆی نزیكەی 1600 پزیشكی كوردستان دیاریكردووە، كە دامەزراندنی پزیشكانی دانەمەزراو و چالاككردنەوەی سیستەمی پلەبەندیی پزیشكییە، هەروەها ئاڕاستەكەشی حكومەتی هەرێمی كوردستانە بەگشتی و سەرۆكایەتی ئەنجومەنی وەزیرانە بەتایبەتی. 
هاوكات تاكوو 18ی مانگ وەك دەرفەت بە وەزیری تەندروستی دراوە تا بەڵێنەكان یەكلا بكاتەوە و سەركۆنەی هەڵوێستەكانی بەڕێوەبەری گشتیی تەندروستیی هەولێر كراوە و لە ئەگەری هەڕەشە بۆسەر هەر یەكێكیشیان ئەوا تەواوی ئامانجەکانیان دەبێتە پاراستنی گیانی پزیشكەكان و قەرەبووكردنەوەی دۆخی دەروونییان.