2 رۆژ پێش ئێستا
138 جار خوێنراوەتەوە
وردەکاری ڕێککەوتنی بەرشەلۆنە لەگەڵ ویلیامز ئاشکرا دەبێت
پەیام سپۆڕت - بڕیار تەها
یانەی بەرشەلۆنەی کەتەلۆنی لەگەڵ نیکۆ ویلیامزی هێرشبەری
یانەی ئەتلەتیک بیلباو گەیشتووەتە ڕێککەوتن و وردەکاری ڕێكکەوتنەکەش بڵاو
دەبێتەوە.
فابریزیۆ ڕۆمانۆی ڕۆژنامەنووسی باوەڕپێکراو لە مێرکاتۆی
یاریزانان ئاشکرای کردوە، بەرشەلۆنە و بریکارەکەی ویلیامز لەسەر مەرجە تاکەکەسییەکان
گەیشتوونەتە ڕێککەوتن، هەردوولا ئامادەن گرێبەستێکی شەش وەرزە کە تاکو هاوینی 2031
درێژەی هەبێت واژوو بکەن.
هەروەها بەرپرسانی یانە کەتەلۆنییەکە ڕەزامەندییان
نیشانداوە ساڵانە حەوت بۆ هەشت ملیۆن یۆرۆ وەک مووچە بە ویلیامز بدەن.
سەرچاوەکە باس لەوەش دەکات، ئێستا کارگێڕی بەرشەلۆنە کار
لەسەر ئەوە دەکات لەگەڵ یانەی ئەتلەتیک بیلباو سەبارەت بە مەرجە داراییەکانی
دەستبەردابوون لە ویلیامز بگەنە ڕێککەوتن تائەوەی یاریزانەکە لە 13ی مانگی داهاتوو
لەگەڵ دەستپێکی ئامادەکارییەکان بۆ وەرزی نوێ لە تیپەکەی هانسی فلیکدا بێت.
لە تۆڕە کۆمەڵایەتیەکان شەیری بکە