ڕیاڵ مەدرید دەیەوێت هاوینی داهاتوو بەرگریکارێک بێبەرانبەر بگوازێتەوە

پەیام سپۆڕت - دروود محەمەد

یانەی ڕیاڵ مەدریدی ئیسپانی دەیەوێت هاوینی داهاتوو ئیبراهیما کۆناتێی فەڕەنسی و بەرگریکاری یانەی لیڤەرپووڵ بە شێوەی بێبەرانبەر بۆ ڕیزەکانی بگوازێتەوە.

ڕۆژنامەی مارکای ئیسپانی ئاشکرای کردووە، یانەی ڕیاڵ مەدرید دەیەوێت هاوینی 2026 بە گرێبەستێکی ئازاد ئیبراهیما کۆناتێی بەرگریکاری لیڤەرپووڵ بباتە ڕیزەکانی و لە ئێستاوە یانە ئیسپانییەکە ئامادەکاریی دەکات و دەستی بە هەوڵەکانی کردووە بۆ ئەوەی ئەو بەرگریکارە فەڕەنسییە بگوازێتەوە.

ڕۆژنامەکە ئاماژە بەوەش دەکات، یانەی ڕیاڵ مەدرید دوای هەریەکە لە ترێنت ئالێکساندەر ئارنۆڵد و کیلیان مباپێ و ئانتۆنیۆ ڕودیگێر و داڤید ئالابا، دەیەوێت ئیبراهیم کۆناتێ بکاتە پێنجەم یاریزان کە لەم دوو ساڵەی دوایدا بە شێوەی بێبەرانبەر پەلکێشی ڕیزەکانی بکات.

لە کۆتایدا مارکا ئەوەش ڕوون دەکاتەوە، هاوینی 2026 گرێبەستی ئەو بەرگریکارە فەڕەنسییە لەگەڵ لیڤەرپووڵ کۆتایی دێت و فلۆرنتینۆ پێرێز دەیەوێت هاوشانی ئاڕنۆڵد وەرزی داهاتوو ئەو بەرگریکارەی لیڤەرپووڵ بگوازێتەوە.