05/07/2025
339 جار خوێنراوەتەوە
میسڕ: هەوڵەكانمان بۆ دەستپێكردنەوەی بەپەلەی دانوستانی غەززە چڕ كردووەتەوە
پەیام
دوای وەڵامدانەوەی حەماس بۆ پێشنیازی ڕێككەوتن و ئاگربەست، میدیای میسڕ دەڵێت قاهیرە هەوڵەكانی چڕ كردووەتەوە بۆ ئەوەی لایەنەكان بگەنە داڕشتنی كۆتایی لەبارەی ڕێككەوتنەكەوە.
میدیای میسڕ لە زاری چەند سەرچاوەیەكەوە ئاماژەی بەوە داوە، وەڵامەكەی حەماس بۆ نێوەندگیرەكان دەرفەتی لەبەردەم دانوستانی ناڕأستەوخۆدا كردووەتەوە و میسڕیش دەستی بە پەیوەندیی چڕ كردووەتەوە لەگەڵ لایەنە جیاوازەكان بۆ ئەوەی بگەنە داڕشتنێك كە هەمووان پێی ڕأزی بن.
هاوكات ئاژانسی هەواڵی فەرەنسی بڵاوی كردووەتەوە، بزووتنەوەی جیهادی ئیسلامی ڕایگەیاندووە، پشتیوانیی بڕیاری حەماس دەكات بۆ چوونە ناو دانوستانی شێوازی جێبەجێكردنی پێشنیازی ئاگربەست و ڕێككەوتنەوە و چەند تێبینییەكی وردیان داوەتە سەركردایەتیی حەماس. داواشی كردووە گرەنتی بدرێـت بەوەی ئاگربەستی كاتی ببێتە ئاگربەستی هەمیشەیی.
جێی باسە دوێنێ بزووتنەوەی حەماس ڕایگەیاند، وەڵامی پێشنیازەكەی ئەمریكای لەبارەی ڕێككەوتن و ئاگربەستی 60 ڕۆژەوە ڕادەستی وڵاتانی نێوەندگیر كردووە، وەڵامەكەشی بە ئەرێنی ناو برد. ڕاشیگەیاند: بەوپەڕی جددیەتەوە بەپەلە ئامادەن بچنە ناو دانوستانەوە بۆ شێوازی جێبەجێكردنی ڕێككەوتنەكە.
لە تۆڕە کۆمەڵایەتیەکان شەیری بکە