5 رۆژ پێش ئێستا
250 جار خوێنراوەتەوە
بەرشەلۆنە سێ سزا بەسەر "شتیگن"دا دەدات
پەیام سپۆڕت - مەڕوان تاڵیب
یانەی بەرشەلۆنە لە یەکەم هەنگاودا وەک سزایەک بۆ تێر
شتیگن درێسی ژمارە یەک و شارەی کاپتنی لێ وەردەگرێتەوە.
لەم هاوینە یانە کەتەلۆنییەکە ڕاشکاوانە ئاگاداری
شتیگنیان کردەوە یانەیەک بۆخۆی بدۆزێتەوە و بۆ وەرزی نوێ پشتی پێ نابەستن، بەڵام
گۆڵپارێزەکە بڕیاریدا نەشتەرگەری بکات و بەوەش مانەوەی دووپات کردەوە.
لە نوێترین هەواڵدا ڕۆژنامەی سپۆڕتئ نزیک لە بلاوگرانا
ئاشکرای کردووە، وەک سزایەک بۆ وەستانەوە دژی بڕیاری یانەکە، شتیگن لە لایەن
بەرشەلۆنەوە درێسی ژمارە یەکی لێ دەسەنرێتەوە و پێشکەشی خوان گارسیای گۆڵپارێزی
نوێ دەکرێت.
هەروەها باس لەوەش کراوە، بەرشەلۆنە بەوەش ناوەستێت و
بڕیاریداوە شارەی کاپتنیشی لێ وەربگرێتەوە و لەدوای یارییە دۆستانەکان فلیک بڕیار
دەدات کاپتنی نوێ بداتە کام یاریزانە و دیارییان دەکات.
لە کۆتایدا ئاماژە بەوە دراوە، بەرشەلۆنە هەوڵ دەدات
شتیگن لە پێکهاتەی تیپەکەشی بۆ وەرزی نوێ دوور بخاتەوە و لەو ڕێگەیەوە دەیەوێت 80%ی
مووچەکەی لێ ببڕێت.
لە تۆڕە کۆمەڵایەتیەکان شەیری بکە