ڤینیسیۆس نموونەی باڵی یاریکردنی ئاشکرا دەکات

پەیام سپۆڕت - مەڕوان تاڵیب

ڤینیسیۆس جۆنیۆری بەڕازیلی ئاماژەی بەوەکرد، دەیەوێت بۆ نەوەکانی داهاتوو ئیلهامبەخش بێت و هێشتا چاوی لە بردنەوەی نازناوی زیاترە.

 لە نوێترین دیمەنی ڕۆژنامەوانیدا، سەرەتا هێرشبەرەکەی مێرنگی وتی: پێشتر دەستکەوتی زۆرم بەدەست هێناوە، بەڵام خەونەکەم هێشتا کۆتایی نەهاتووە و دەمەوێت نازناوی زیاتر لەگەڵ ڕیاڵ و هەڵبژاردەکەم ببەمەوە.

ڤینی ڕاشیگەیاند، دەیەوێت بەردەوام بێت لە پێشکەشکردنی ئاستێکی بەرز و ئیلهامبەخش بێت بۆ نەوەکانی داهاتوو، گەورەترین خەونیشی ئەوەیە میراتییەک لە دەرەوەی تۆپی پێ بۆ باشترکردنی سیستمی پەروەردە لە بەرازیل بەجێبهێڵێت و پێویستە لەبیری بێت لە کوێوە گەیشتووەتە ئەم دۆخەی ئێستا.

جۆنیۆر ئەوەشی خستەڕوو، کریستیانۆ نموونەی باڵی یاریکردنییەتی و هەرگیز لە هەوڵدان ناوەستێت ئینجا ڕۆناڵدۆی دیاردە و ڕۆناڵدینیۆ و نێماڕ کە نوێنەرایەتی گەلی بەڕازیلیان کردووە، جگە لەوەش لیبرۆن جەیمسی یاریزانی تۆپی باسکە بەهۆی ئەوەی بۆ کۆمەڵگەکەی کردویەتی.

لە کۆتایدا ڤینیسیۆس دەڵێت: پێموایە لە ژیانی وەرزشیمدا چەندین ساتی دیاریکراو هەبووە وەک یەکەم یاریم بۆ فلامینگۆ و پاشان پۆشینی درێسی مەدرید و تۆمارکردنی دوو گۆڵ لە دوو یاریی کۆتایی چامپیۆنسلیگ.