هالاند دان بە هەڵەیەکی وەرزی ڕابردووی خۆیدا دەنێت

پەیام سپۆڕت - مەڕوان تاڵیب

ئێرلینگ هالاندی نەرویجی و هێرشبەری مانچستەر سیتی دان بەوەدا دەنێت، هەڵە بووە کاتێک وەرزی ڕابردوو لێدانێکی سزای بە عومەر مەڕمووش داوە.

 لە لێدوانێکی بۆ ڕۆژنامەی "تایمزی بەریتانی، سەرەتا هێرشبەرەکە وتی: هەست بە ئاسوودەیەکی زۆر لە یانەکە دەکەم، چونکە زۆر متمانەیان پێمە، بەڵام کەس نازانێت لە داهاتوو چی ڕوودەدات.

لە بەشێکی دیکەی قسەکانی سەبارەت بە هەڵسەنگاندنی وەرزی ڕابردوو هالاند ئەوەی خستەڕوو، ناتوانێت ئێستا بیر لە وەرزی پێشوو بکاتەوە، بەڵام بەڕاستی باش نەبووە و پێویستە ئێستا بیر لە داهاتوو بکەنەوە.

لە کۆتایدا ئێرلینگ دان بە هەڵەی خۆیدا دەنێت کاتێک وەرزی ڕابردوو لە یاریی کۆتایی جامی یەکێتی ئینگلتەرا لێدانێکی سزای بە مەڕمووش داوە و ڕایگەیاند، بەرپرسیارێتی لەدەستدانی ئەو لێدانە بە تەواوی لە ئەستۆی خۆی دایە، نەدەبوو لێدانەکە بداتە یاریزانێکی نوێی تیپەکە.