زێلێنسکی: ئامادەم گفتوگۆی دووقۆڵیی لەگەڵ پوتین ئەنجام بدەم

سەرۆکی ئۆکرانیا ، ڤۆلۆدیمێر زێلێنسکی ڕایگەیاند کە ئامادەیە گفتوگۆی دووقۆڵیی لەگەڵ سەرۆکی ڕووسیا، ڤلادیمیر پوتین بە ئامانجی وەستاندنی شەڕی نێوان مۆسکۆ و کیێڤ ئەنجام بدات و ئاماژەی بەوەشدا کە کێشە ئاڵۆز و ئازاربەخشەکان تەنھا لە ئاستی سەرکردایەتیدا چارەسەر دەکرێن.
ڤۆلۆدیمێر زێلێنسکی دوای کۆبوونەوەی لەگەڵ سەرۆکی ئەمریکا، دۆناڵد ترەمپ و سەرکردەکانی ئەورووپا کە دوێنێ دووشەممە لە کۆشکی سپی ئەنجامدرا لە لێدوانێکی ڕۆژنامەوانییدا ڕایگەیاند کە ئامادەیە گفتوگۆی دووقۆڵیی لەگەڵ سەرۆکی ڕووسیا، ڤلادیمیر پوتین بە ئامانجی وەستاندنی شەڕی نێوان مۆسکۆ و کیێڤ ئەنجام بدات.
وتیشی: "کێشە ئاڵۆز و ئازاربەخشەکان تەنھا لە ئاستی سەرکردایەتیدا چارەسەر دەکرێن".
سەرۆکی ئۆکرانیا سەبارەت بە کۆبوونەوەکەی کۆشکی سپی وتی: "کۆبوونەوەکە ئەنجامێکی باشی ھەبوو".
جەختی لەوەش کردەوە کە خاڵی دەستپێک و بابەتی سەرەکی بۆ کۆتاییھێنان بە شەڕی ڕوسیا و ئۆکرانیا "دەستەبەرکردنی ئەمنی"یە بۆ ئۆکرانیا .