لە ڕووسیا ڤاكسینی شێرپەنجە ئامادەیە بۆ بەكارهێنان

پەیام 

سەرۆكی فەرمانگەی پزیشكیی فیدڕاڵی لە ڕووسیا ڕایگەیاند: پێكوتەی شێرپەنجەی رووسی بۆ بەكارهێنان ئامادەیە.

لەمیانی چالاكییەكانی كۆڕبەندی ئابووری رۆژهەڵات لە "ڤلادی ڤۆستۆك ڤیرۆنیكا سكڤۆر تسۆڤا" سەرۆكی فەرمانگەی پزیشكیی فیدڕاڵیی ڕووسیا ئاشكرایكرد "پێكوتەكە ئامادەیە بۆ بەكارهێنان دوای ئەوەی بە سەركەوتوویی تاقیكردنەوەكانی پێش كلینیكی تێپەڕاندووە، ئێستا چاوەڕێی ڕەزامەندی فەڕمیین لە وەزارەتی تەندروستیی بۆ دەستپێكردنی بەكارهێنانی كلینیكی".

ڕوونیشیكردەوە "ئەم پێكوتەیە لە قۆناغی یەكەمدا شێرپەنجەی قۆڵۆن دەكاتە ئامانج، تاقیكردنەوەكانی پێش كلینیكی كاریگەرییەكی بەرزیان نیشان داوە، بە شێوەیەك كە یارمەتیدەر بووە لە كەمكردنەوەی قەبارەی گرێیەكان بە رێژەی 60% بۆ 80%، جگە لەوەش گەشەكردنیان خاو دەكاتەوە و رێژەی مانەوە لە ژیان زیاد دەكات".

بەرپرسەكەی كەرتی تەندروستیی ڕووسیا باس لەوەش دەكات "توێژینەوە چڕوپڕەكانی ئەم پێكوتەیە چەندین ساڵیان خایاندووە، ئێستا ئامادەیە بۆ بەكارهێنان، كار لەسەر پێكوتەی دیكەش دژی جۆرە جیاوازەكانی شێرپەنجە دەكەین".

ڤلادیمێر پوتین، سەرۆكی رووسیا، لە كۆڕبەندی "تەكنەلۆژیاكانی داهاتوو" كە لە شوبات، مانگی دووی 2024 لە مۆسكۆ بەڕێوەچوو، نزیكبوونەوەی زانایانی وڵاتەكەی لە بەرهەمهێنانی پێكوتەی كاریگەر بۆ نەخۆشی شێرپەنجە ڕاگەیاند".