ژمارەی تووشبووانی ئیبۆلا لە كۆنگۆ چوار هەزار كەسى تێپەڕاند

پەیام 

تووشبووانی ئیبۆلا لە كۆنگۆ 4 هەزاری تێپەڕاند و لێكۆڵینەوە لە ئەگەری گۆڕانكاری لە ڤایرۆسەكەدا دەكرێت.

بەڕێوەبەری ناوەندەكانی ئەفریقیا بۆ كۆنتڕۆڵكردن و خۆپاراستن لە نەخۆشییەكان ڕایگەیاند، ژمارەی تووشبووان بە ڤایرۆسی ئیبۆلا لە كۆنگۆ بۆ یەكەمجار لە سەرەتای سەرهەڵدانی شەپۆلەكەوە، لە 4 هەزار كەس تێپەڕی. 

جان كاسیا ئاماژەی بەوە كرد كە ئاستی بڵاوبوونەوەی ڤایرۆسەكە هەشت هێندە و ڕێژەی گیانلەدەستدانیش شەش هێندە زیاترە بەراورد بە بڵاوبوونەوەكەی ساڵی 2014، كە بە توندترین شەپۆل لە مێژووی كیشوەرەكەدا دادەنرا.

بەهۆی خێرایی بێپێشینەی گواستنەوەی ڤایرۆسەكە، ڕێكخراوی تەندروستی جیهانی و ئاژانسی تەندروستی ئەفریقیا لێكۆڵینەوەیەكی هاوبەشیان دەست پێكردووە بۆ زانینی ئەوەی ئایا ڤایرۆسەكە گۆڕانكاری بەسەردا هاتووە یان نا. 

لە مانگی ئایاری ڕابردووەوە تا ئێستا، 4 هەزار تووشبوو تۆمار كراون و زیاتر لە 1800 كەسیش گیانیان لەدەست داوە. 

بەرپرسانی تەندروستی دەڵێن ئەم جۆرەی ئیبۆلا كە بە "بوند بوجیۆ" ناسراوە، بە شێوەیەكی مەترسیدار و بە خێراییەكی بێپێشینە لە مێژوودا بڵاو دەبێتەوە، ئەمەش وای كردووە وڵاتەكە بكەوێتە حاڵەتی ئامادەباشییەوە بۆ ڕووبەڕووبوونەوەی پەتاكە.