18 کاتژمێر پێش ئێستا
197 جار خوێنراوەتەوە
توێژەرە جوولەكەكەی لە عێراق دەستگیركرابوو لەبەرانبەر دوو كەسدا "دیل بە دیل"ی پێكراوە
پەیام
میدیای ئێران توێژەرە جوولەكەكەی لە عێراق دەستگیركرابوو بە "سیخوڕ" ناو دەبات و ئاشكراشی دەكات، لەبەرانبەر ئازادكردنی دوو كەسدا "دیل بە دیل"ی پێ كراوە.
پێشتر دۆناڵد ترەمپ، سەرۆكی ئەمریكا ڕایگەیاند، ئیلیزابێس تسۆركۆف، توێژەری بەڕەگەز جوولەكە و هەڵگری ڕەگەزنامەی قەوارەی زایۆنی و ڕووسیا، كە ماوەی دوو ساڵ لەلایەن كەتیبەكانی حزبوڵڵاوە لە عێراق دەستگیر كرابوو، ئازاد كراوە. ترەمپ ئازادكردنەكەی وەك دەستكەوتی ئەمریكا باس كرد و ڕاشیگەیاند: توێژەرەكە چەندین مانگ ئەشكەنجە دراوە.
هاوكات رۆژنامەی یەدیعوت ئەحرۆنۆتی ئیسڕائیلی بڵاویكردەوە، تسۆركۆف گەیشتووەتە فڕۆكەخانەی بن گۆریۆن لە تەلئەبیب و گوازراوەتە بۆ نەخۆشخانە بۆ پشكنینی پێویستی پزیشكی تایبەت بە دیلەكان دوای ئازادكردنیان.
لای خۆیەوە ماڵپەڕی تەسنیمی ئێرانی بڵاویكردووەتەوە، تسۆركۆف، كە سیخوڕی قەواەری زایۆنی بووە و دوو ڕۆژ لەمەوبەر ئازاد كراوە، هەرچەندە ئەمریكا بانگەشەی ئەوەی كردووە، كە ئەوان ئازادیان كردووە بەڵام ناوبراو لەگەڵ دوو دیلی بەرەنگاری "دیل بە دیل"ی پێ كراوە.
جێی باسە مانگی ئاداری ساڵی 2023 ئیلیزابێس تسۆركۆف لە ناوچەی كەڕادەی بەغداد ڕفێنراو پێشتر كەتیبە و گرووپەكانی شیعە لە عێراق ڕەتیان دەركردەوە زانیاریان هەبێت، بەڵام دواتر دەركەوت لای حزبوڵڵای عێراقی دەستبەسەر بووە.
لە تۆڕە کۆمەڵایەتیەکان شەیری بکە