14 کاتژمێر پێش ئێستا
137 جار خوێنراوەتەوە
كۆمسیۆنی ڕۆژی دیاریكردنی تیروپشك و مووچەى كارمەندانی سەرسندوقی دەنگدانی دیاریكرد
پەیام
كۆمسیۆنی باڵای سەربەخۆی هەڵبژاردنەكانی عێراق بڕی مووچەی
ئەو كارمەندانەی دیاریكرد، كە بڕیارە لە هەڵبژاردنی ئەنجومەنی نوێنەرانی عێراق كار
بۆ كۆمسیۆن بكەن.
جومانە غەلای وتەبێژی كۆمسیۆنی باڵای هەڵبژاردنەكانی عێراق
ڕایگەیاند، ڕۆژی یەكشەممەی داهاتوو، تیروپشكی دەستنیشانكردنی كارمەندانی وێستگە و
ناوەندەكانی دەنگدان لە هۆڵی ڕاگەیاندنی نووسینگەی نیشتیمانی ئەنجام دەدرێت.
جومانە غولای وتیشی، ئەم پڕۆسەیە بەشێكە لە هەوڵەكانی كۆمیسیۆنی
باڵای هەڵبژاردنەكانی عێراق بۆ دڵنیابوون لە شەفافیەت و دادپەروەری لە هەڵبژاردنی
ئەو كەسانەی كە ڕۆڵی سەرەكی دەبینن لە بەڕێوەبردنی پڕۆسەی دەنگداندا.
لە بڕیارێكی دیكەدا، ئەنجومەنی كۆمیسیاران بڕیاری دەركردوە
سەبارەت بە دیاریكردنی پاداشتی دارایی بۆ كارمەندانی دەنگدان لە هەڵبژاردنەكانی پەرلەمانی
عێراق بۆ ساڵی 2025.
ئەم بڕیارە پاداشتەكانی بەسەر ئەرك
و بەرپرسیارێتییەكاندا دابەشكردووە، كە كارمەندانی سەر سندوقی دەنگدان بەپێی ئەرك
و كارەكانیان لە 50 هەزار دینارەوە تاوەكو 400 هەزار دیناریان پێ دەدرێت.
لە تۆڕە کۆمەڵایەتیەکان شەیری بکە