1 رۆژ پێش ئێستا
168 جار خوێنراوەتەوە
بەمزووانە قەدەغەی ئەورووپی لەسەر هێڵەکانی ئاسمانیی عێراق لادەبرێت
پەیام
وەزارەتی گواستەوەی عێراق رایگەیاندووە، 75 لەسـەدی مەرجەكانی وڵاتانی ئەورووپایان لە فڕۆكەكانی هێڵی ئاسمانیی عێراق جێبەجێكردووە، كە بریتییە لە پڕۆگرامی چاكسازیی "ئایۆسا".
بەپێی ئەوەی گواستنەوەی عێراق بڵاویكردوەتەوە، بەمزووانە قەدەغەی ئەوروپی لەسەر هێڵەكانی ئاسمانیی عێراق لا دەبرێت، هەروەها راشیگەیاندووە، "بەپێی دوایین داتاكان 75 لەسەدی مەرجەكان لە چوارچێوەی پڕۆگرامی چاكسازیی ئایۆسا تەواوبوون، زۆرینەی پێوەرەكان لە فڕۆكە و كارگێڕی و بەڕێوەبردنی هێڵەكاندا جێبەجێكراون كە وڵاتانی ئەورووپا داوایان لێكردووین".
ڕوونیشیكردەوە "مەرج و پێوەرەكان تەنها سنووردار نین بە نوێكردنەوە و چاككردنەوەی فڕۆكەكان، بەڵكو دروستكردنی سیستەمێكی كارپێكردن و كارگێڕیی بەهێزە كە توانای ڕەچاوكردنی بەرزترین پێوەرەكانی فڕۆكەوانیی جیهانیی هەیە، و بۆ ئەم مەبەستەش، لیژنەیەكی پسپۆڕ پێكهێنراوە بۆ بەدواداچوونی دۆسیەكە".
هەروەها وتیشی، لەگەڵئەوەشدا گرێبەست لەگەڵ یەكێتیی گواستنەوەی ئاسمانی نێودەوڵەتی بۆ بەدەستهێنانی بڕوانامە نێودەوڵەتییەكان دەكەین، لە پێش هەموویانەوە: پڕۆگرامی چاكسازیی ئایۆسا".
نووسینگەی ڕاگەیاندنی وەزارەتەكە ڕوونیكردەوە، كە "ئاماژەكان جەخت لەوە دەكەنەوە، دەزگای سەلامەتی فڕۆكەوانیی ئەوروپی بەردەوامە لە پێداچوونەوەی دۆسیەی هێڵی ئاسمانی عێراقی دوای بەدەستهێنانی بڕوانامەی وردبینیی سەلامەتی".
لە تۆڕە کۆمەڵایەتیەکان شەیری بکە