9 کاتژمێر پێش ئێستا
115 جار خوێنراوەتەوە
غــ.ەززە.. "وێنەی ماڵئاوایی" دیلە ئیسرائیلییەکان بڵاوكرایەوە
پەیام
لەگەڵ دەستپێكردنی هێرشەكان بۆ سەر كەرتی غەززە، بزووتنەوەی حەماس وێنەی ماڵئاوایی دیلە زایۆنییەكانی بڵاوكردەوە.
دوای ئەوەی كە سوپای قەوارەی زایۆنی ئۆپراسیۆنی بەرفراوانی لە غەززە دەستپێكرد، بزووتنەوەی بەرەنگاری ئیسلامی لە فەڵەستین، (حەماس) وێنەی دیلە زایۆنیییەكانی لە گرافیكێكدا بڵاوكردەوە و بە وێنەی واڵئاوایی ناوی برد.
لە وێنە گرافیكییەكەدا 47 دیلی زایۆنی دەردەكەون و لەسەری بە زمانەكانی عیبری و عەرەبی نووسراوە كە " بەهۆی بێدەنگی نەتەنیاهوو و ملكەچی زامیرەوە، وێنەی مالئاوایی لە سەرەتای دەستپێكردنی ئۆپراسیۆن لە غەززە گیرا".
لەژێر وێنەی هەر یەك لە وێنەی دیلەكانیش ناوی (ڕۆن ئاراد لەگەڵ ژمارەیەك هاتووە) كە وێنەی یەكەمی دیلەكانە و ئاماژەیە فڕۆكەوانێكی سوپای زایۆنی كە لە ساڵی 1986ەوە لە لوبنان بێسەروشوێنە، وەك پەیامێك كە دیلەكان هەمان چارەنوسیان دەبێت.
شاری غەززە گەورەترین شاری كەرتی غەززەیە و چڕترین ناوچەی دانیشتوانە، بەتایبەت دوای ئەوەی كە ژمارەیەكی زۆر لە ئاوارەكانی شارەكانی دیكە ڕوویان تێكرد ئێستا بە ئاوارەكانەوە زیاتر لە ملیۆنێك كەسی تێدا نیشتەجێیە و لە ڕۆژانی ڕابردوویشدا بە وتەی سوپای زایۆنی نزیكەی 480 هەزار كەس شارەكەی جێ هێشتووە.
لە تۆڕە کۆمەڵایەتیەکان شەیری بکە