21/09/2025
142 جار خوێنراوەتەوە
ئەنجوومەنی دەوڵەت ڕاپۆرتی كۆتایی لەسەر پرسی داهاتی نانەوتی هەرێمى کوردستان ئامادە كرد
پەیام
ئەنجوومەنی دەوڵەتی
عێراق لەبارەی ناكۆكیی نێوان حكومەتی فیدڕاڵ و هەرێم لەسەر داهاتی نانەوتیی كۆ بووەوە
و ڕاپۆرتی كۆتایی ئامادە كرد.
بەپێی زانیارییەكان،
سەرجەم قۆناغەكانی تاوتوێی دۆسیەی داهاتی نانەوتی هەرێمی كوردستان لای ئەنجوومەنی
دەوڵەت كۆتایی هاتووە و بڕیارە ئەمڕۆ ڕەوانەی ئەمیندارێتی گشتیی ئەنجوومەنی وەزیران
بكرێت.
ئەنجوومەنی دەوڵەت
لە كۆبوونەوەكەی ئەمڕۆیدا ڕاپۆرتی كۆتایی خۆی ئامادە كردووە، دوای ئەوەی هەفتەی ڕابردوو
بەهۆی بەمەرجگرتنی واژووكردنی نوێنەری حكومەتی هەرێم لەسەر ڕاپۆرتەكە ڕەوانەكردنی ڕای
ئەنجوومەنەكە بۆ ئەنجوومەنی وەزیرانی فیدڕاڵ دوا خرا.
نۆی ئەم مانگە،
ئەنجوومەنی وەزیرانی فیدڕاڵ دۆسیەیەكی پێنج بڕگەیی بۆ ئەنجوومەنی دەوڵەت بەرز كردەوە
كە تێیدا داوای دەربڕینی ڕای ئەنجوومەنەكە لە شەش ماددەی یاسایی تایبەت بە یاسای بەڕێوەبەردنی
دارایی و یاسای بودجەی گشتی دەكات تا لەو ڕێیەوە بە چارەسەرێك بۆ كێشەی نێوان حكومەتی
فیدڕاڵ و هەرێم لە پرسی داهاتەكان بگات، هەر چەندە ڕای ئەنجوومەنی دەوڵەتیش پابەندكەر
نییە.
لە تۆڕە کۆمەڵایەتیەکان شەیری بکە