03/10/2025
306 جار خوێنراوەتەوە
ئیسرائیل دەستی بەسەر تەواوى "كەشتیگەلى خۆڕاگری"دا گرت
پەیام
هێزی دەریایی زایۆنی دەستی بەسەر تەواوی "گەشتیگەلی خۆڕاگری"دا گرت كە ژمارەیان 42 كەشتی بوو.
دەزگای پەخشی قەوارەی زایۆنی پشتڕاستی كردەوە، هێزی دەریایی دەستی بەسەر كەشتیی "مارینێت"دا گرت كە دوا كەشتیی "كەشتیگەلی خۆڕاگری" بوو.
كەشتیگەلی خۆڕاگری شەوی ڕابردوو لە تۆڕە كۆمەڵایەتییەكان ڕایگەیاندبوو، كەشتیی "مارینێت" بەردەوامە لە گەشتەكەی بەرەو كەرتی غەززە، ئەمەش دوای ئەوەی سەرجەم كەشتییەكانی دیكە لەلایەن قەوارەی داگیركەرەوە دەستیان بەسەردا گیرابوو.
كەشتیی "مارینێت"، كە شەش چالاكی لە وڵاتە جیاوازەكاندا لەسەر بوو، توانی نزیكەی 100 كیلۆمەتر لە غەززە نزیك بێتەوە پێش ئەوەی دەستی بەسەردا بگیرێت.
وەزارەتی دەرەوەی قەوارەی زایۆنی دوێنێ هۆشداری دابوو "ئەگەر كەشتییەكە نزیك بێتەوە لە چوونە ناوچەیەكی شەڕی چالاك بەنیازی شكاندنی گەمارۆی سەر غەززە، ئەوا ڕێگری لێ دەكرێت".
لە تۆڕە کۆمەڵایەتیەکان شەیری بکە