04/10/2025
157 جار خوێنراوەتەوە
سەرۆكی كۆمەڵەی پەنابەرە گەڕاوەكان: دۆخى ئەوروپا بەرانبەر بە پەنابەران دژوار و خراپە
پەیام
سەرۆكی كۆمەڵەی پەنابەرە گەڕاوەكانی ئەوروپا لە كۆنگرەیەكی ڕۆژنامەوانیدا لە ڕانیە باسی مەترسی ڕێگای لیبیاو توونس و گێڕانەوەی ژمارەیەك پەنابەر كە لەو وڵاتانە دەستگیر كراون دەكات.
بەكر عەلی دەڵێت: نزیكەی 300 هاووڵاتی پەنابەری هەریمی كوردستان لە لیبیاو تونس گیریان خواردووە، بەشێكیشیان كە ژمارەیان 81كەسە زیاتر لە دومانگە لە ژێر دەسەڵاتی میلشیاكاندا دەستبەسەرن كە لایەنە پەیوەندیدارەكان لە هەوڵی ئازادكردن و گەڕاندنەوەی ئەو پەنابەرانەدان.
ناوبراو ئاشكرایكرد كە لە نۆ مانگی ڕابردوودا زیاتر لە شەش هەزار هاووڵاتی بە مەبەستی كۆچ هەرێمی كوردستانیان جێهێشتووە.
هۆكاری سەرهەڵدانەوە و بەردەوامی كۆچیش بۆ نادادی و بێكاری و خەمساردی دەسەڵاداران دەگەڕێنێتەوە.
لە تۆڕە کۆمەڵایەتیەکان شەیری بکە