01/11/2025
306 جار خوێنراوەتەوە
سەرۆكوەزیرانی پێشووتری بەریتانیا پرۆسەی ئازادی عێراقى بە "هەڵەیەكی ئەخلاقی" ناوبرد
پەیام
سەرۆكوەزیرانی پێشووتری بەریتانیا دانی بەوەدا نا كە پڕۆسەی ئازادیی عێراق هەڵە بووە و هێزەكانی هاوپەیمانان هیچ پلانێكی جێگرەوەیان نەبووە.
لە میانی دیدارێكی تەلەفزیۆنییدا، بۆریس جۆنسۆن سەرۆكوەزیرانی پیشووتری بەریتانیا بە ئاشكرا دانی بەوەدا ناوە كە جەنگی عێراق لە ساڵی 2003دا كە بە پڕۆسەی ئازادییش ناوی دەبرێت، هەڵەیەكی گەورە بووە.
بۆریس جۆنسۆن دەڵێت: هاوپەیمانان هیچ ستراتیژییەكیان بۆ بەڕێوەبردنی عێراق لە دوای جەنگ و ڕووخانی ڕژێمی سەدام نەبووە، ئەمەیش لێكەوتەی كارەساتباری بۆ وڵاتەكە لێ كەوتووەتەوە.
سەرۆكوەزیرانی پێشووتری بەریتانیا جەنگی دژی عێراقی بە "هەڵەیەكی ئەخلاقی" ناو بردووە و ڕوونی كردووەتەوە كە چۆن هاوپەیمانان بێ ستراتیژیەتییەكی جێگرەوە پەیكەری بەڕێوەبردنی عێراقیان هەڵوەشاندەوە و بۆشایی لە دەسەڵاتەكان دروست بوو و كەوتە نێو پشێوی و توندوتیژییەوە.
هەر لەو میانەیەدا، جۆنسۆن وتوشیەتی: دیبلۆماتكارە بەریتانی و ئەمریكییەكان بەبێ ڕێنمایی ڕوون كاریان دەكرد.
ئەم لێدوانەی بۆریس جۆنسۆنیش كە 2019 تا 2023 سەرۆكوەزیرانی بەریتانیا بووە و 2003یش ئەندامی پەڕلەمانی بەریتانیا بووە، بە یەكێك لە گەورەترین دانپێدانانەكانی بەرپرسێكی باڵای ئەو وڵاتە لەبارەی شكستیان لە جەنگی عێراق و دادەنرێت.
لە تۆڕە کۆمەڵایەتیەکان شەیری بکە