01/12/2025
343 جار خوێنراوەتەوە
پاكستان كوژرانی 22 چەكداری پاڵپشتیكراو لەلایەن هیندستانەوە ڕاگەیاند
پەیام
سوپای پاكستان كوژرانی 22 چەكداری لە باكووری رۆژئاوای ئەو وڵاتە ڕاگەیاند کە لەلاین هندستانەوە پاڵپشتیکراون.
هێزی ئاسمانیی پاكستان ڕایگەیاند كە لە میانی ئۆپەراسیۆنێكدا لە هەرێمی خەیبەر پاختونخوا باكووری رۆژئاوای ئەو وڵاتە، 22 چەكدا كوژراون.
نووسینگەی پەیوەندییە گشتییەكانی سەربە سوپای پاكستان لە ڕاگەیاندراوێكدا ئاماژەی بەوە داوە كە هێزە ئەمنییەكان پشت بەستن بە زانیارییە هەواڵگرییەكان، ئۆپەراسیۆنێكیان لە ناوچەی ئیسماعیل خان سەربە هەرێمی خەیبەر پاختونخوا ئەنجامداوە و ڕاشیگەیاندووە لە میانی ئۆپەراسیۆنەكەدا، 22 چەكدار كە لەلایەن هیندستانەوە پاڵپشتیكرابوون، كوژراون.
بەپێی ئەوەی سوپای ئەو وڵاتە بڵاوی كردوەتەوە، ئەو چەكدارانە لەلایەن هەواڵگری هیندستان و سوپای ئەو وڵاتەوە پاڵپشتی كراون و بە مەبەستی تێكدانی ئاسایشی پاكستان و نانەوەی پشێوی و كاری تێكدەرانە ڕەوانەی پاكستان كراون.
لە تۆڕە کۆمەڵایەتیەکان شەیری بکە