1 کاتژمێر پێش ئێستا
177 جار خوێنراوەتەوە
غازی سروشتیی ئێران و غازی هەرێم بۆ كارەبای نیشتیمانیی عێراق گەڕایەوە
پەیام
وەزارەتی كارەبای عێراق ڕایگەیاند، هەناردەی غاز لە ئێرانەوە، بەشە غازی هەرێمیش بۆ تۆڕی نیشتمانی دەستی پێ كردووەتەوە.
دوای ئەوەی بۆ ماوەی چەند ڕۆژێك هەناردەی غاز لە ئێرانەوە بۆ عێراق ڕاوەستا و كێشە لە كارەبای عێراقدا دروست بوو، ئەحمەد مووسا، وتەبێژی وەزارەتی كارەبای فیدڕاڵی ڕایگەیاند: پرۆسەی چاكسازیی لە تۆڕەكان تەواو بووە و هەناردەی غازی سرووشتی لە ئێرانەوە بۆ عێراق دەستی پێ كردووەتەوە كە بڕەكەی پێنج ملیۆن مەتر سێ جایە.
لەبارەی ئەو بڕە كارەبایەی كە عێراق لە هەرێمی كرودستانی دەكڕێ و بەهۆی هێرشی كۆرمۆرەوە ڕاوەستابوو، وتەبێژی وەزارەتی كارەبا ڕاشیگەیاند: دوای دەستبەكاربوونەوەی كێڵگەی كۆرمۆر لە قۆناغی یەكەمدا بڕی 300 مێگاوات كارەبا لەو بڕەی لە هەرێمی دەكڕن گەڕاوەتەوە بۆ ناو تۆڕی نیشتیمانیی عێراق.
جێی باسە بەهۆی ئەوەی بڕانی غازی سروشتی ئێران و نەمانی ئەو بڕەی لە هەرێمەوە دابین دەكرا، نزیكەی هەفتەیەكە كێشە لە كارەبای عێراق دروست بووە و دابینكردنی كەم بووبووەوە.
لە تۆڕە کۆمەڵایەتیەکان شەیری بکە