06/12/2025
238 جار خوێنراوەتەوە
لە ڕووداوێكی هاتوچۆدا لە باكووری كوردستان حەوت كەس گیانیان لەدەست دا
پەیام
ئەمڕۆ بە هۆی پێكدادانی نێوان بارهەڵگرێك و پاسێك لە شارۆچكەی باخچە-ی سەر بە پارێزگای عوسمانییە لە باكووری كوردستان، حەوت كەس گیانیان لەدەست دا و 11 كەسی دیكەش بریندار بوون.
ڕووداوەكە لەسەر ڕێگەی خێرای نێوان تارسووس - ئادانا - غازی عەنتاب ڕوویداوە، بەجۆرێك پاسێكی نەفەرهەڵگر، لە پشتەوە خۆی بە بارهەڵگرێكدا كێشا كە لە تەنیشت ڕێگەكە بە هۆی تەقینی تایەكانی ڕایگرتبوو.
دوای ڕووداوەكە تیمەكانی پۆلیس و فریاكەوین گەیشتە شوێنی ڕووداوەكە و بەپێی ڕاگەیاندراوێكی پارێزگای عوسمانییەی باكووری كوردستان، لە ئاكامی ئەو پێكدادانەكە، حەوت كەس دەستبەجێ گیانیان لەدەست دا و 11 كەسیش بریندار بوون.
پارێزگای عوسمانیە یەكێك لە پارێزگاكانی باكووری كوردستانە كە لە هەرێمی مەدیتەرانە هەڵكەوتووە كە بە پانتایی 120 هەزار كیلۆمیتری چوارگۆشە چوارەمین هەرێمی گەورەی توركیایە.
لە تۆڕە کۆمەڵایەتیەکان شەیری بکە