14 کاتژمێر پێش ئێستا
1601 جار خوێنراوەتەوە
ئهحمهد شهرع و مهسعود بارزانی پەیوەندییەکى تەلەفۆنییان ئەنجامدا
پەیام
بارهگای بارزانی بڵاویکردەوە، ئهمڕۆ 9/1/2026، ئهحمهد شهرع، سهرۆكی راگوزهری سوریا پهیوهندییهكی تهلهفۆنی لهگهڵ مهسعود بارزانی، سهرۆكی پارتی ئهنجامداوه و تێیدا جهختی لەوە كردووەتەوە، كه كورد پێكهاتەیەكی ڕەسەن و سەرەكیی گەلی سوریایە و هەموو مافە نیشتیمانی و سیاسی و مەدەنییەكانی كورد و پێكهاتەكانی تری سوریا گهرهنتی دهكرێن.
ئەوەشخراوەتەڕوو، لەو پەیوەندییە تەلەفۆنییەدا دوایین پێشهاتە سیاسییەكانی سوریا و گۆڕانكارییەكانی ناوچەكە خرانه بەر باس و هەردوولا جەختیان لە بایەخی سەقامگیری و هەماهەنگیی هاوبەش كردەوە.
له راگهیهندراوهكهدا ئەوەش هاتووه، "ئهحمهد شەرع ئەوەی دووپات كردەوە كە كورد پێكهاتەیەكی ڕەسەن و سەرەكیی گەلی سوریایە و جەختی لە پابەندبونی تەواوی دەوڵەتی سوریا بۆ گەرەنتیكردنی هەموو مافە نیشتیمانی و سیاسی و مەدەنییەكانی كورد لەگەڵ پێكهاتەكانی تری سوریا بەشێوەیەكی یەكسان و بێ جیاوازی كردەوە".
بە گوێرەى ڕاگەیەندراوە، هەر لەو پەیوەندییە تەلەفۆنیەدا مهسعود بارزانی پێزانینی بۆ ئەو تێڕوانینەی ئهحمهد شەرع هەبوو و پشتیوانی خۆی بۆ ویست و ئاواتی سورییەكان بۆ بنیاتنانی دەوڵەتێك ڕاگەیاند، كە هەموو لایەن و پێكهاتەكان بگرێتەخۆ و تێیدا هاوبەش بن. هەروەها جەختیشی لە پێویستی بەردەوامیی ڕاوێژ و هەماهەنگی كردەوە ئەویش لەپێناو ڕەچاوكردنی بەرژەوەندیی هەموو لایەك و پاراستنی ئاشتەوایی كۆمەڵایەتی.
لە تۆڕە کۆمەڵایەتیەکان شەیری بکە