پاش شكستهێنانی هەوڵەكان بۆ ئاگربەست پێكدادانەكان لە حەلەب دەستیان پێكردەوە

پەیام 

پاش شكستهێنانی هەوڵەكان بۆ ئاگربەست پێكدادانەكان لە حەلەب دەستیانپێكردەوە و سوپای سووریاش ئامانجی بۆردومانەكانیان لە گەڕەكە كوردنشینەكان ئاشكرا دەكات.

لە ڕاگەیەنراوێكدا ناوەندی میدیایی هێزەكانی ئاسایشی ناوخۆی حەلەب بڵاوی كردووەتەوە كە هێزە چەكدارەکانی سەربە حكومەتی سووریا پێشڕەوییان بۆ ئەنجامدانی دوو هێرش لە گەڕەكی شێخ مەقسود كردوەوە و بە پشتیوانی ڕاستەوخۆی تانك و چەكە قورسەكان لە دۆڵی زەیتونەوە دەستیان پێكردووە.

ئاماژەی بەوەیش كردووە، كە هاوكات لەگەڵ هێرشەكان هێزەكانی ئاسایشی ناوخۆ توانیویانە بەرپەرچی دوو هێرش بدەنەوە و هێزەكانی بەرانبەریان ناچار بە كشانەوە كردووە.

هەروەها دەڵێت "هیشتا گەڕەكی شێخ مەقسود پێكدادانی تێدا بەردەوامە، كە ماوەی چوار ڕۆژە دەستی پێكردووە".

لەلایەكی دیكەوە دەستەی ئۆپەراسیۆنەكانی سوپای سووریای بڵاوی كردووەتەوە، "لە رێگەی شاشە و سەكۆكانی كەناڵی (هەواڵی سووریا)وە ئەو شوێنانە بڵاو دەكەنەوە كە لەنێو گەڕەكی شێخ مەقسوود دەكرێنە ئامانج و بانگەشەی ئەوە دەكات، "هەسەدە ئەو شوێنانەیان كردووەتە بارەگا و سەربازگە بۆ ئۆپەراسیۆن دژی دانیشتووانی حەلەب".

لە بەشێكی دیكەی راگەیێندراوەكەدا، سوپای سووریا هۆشداریی دەداتە دانیشتووانی مەدەنی و دەڵێت "پێویستە لە هەموو پێگەكانی هەسەدە دوور بكەونەوە، بەتایبەتی ئەو شوێنانەی كە بەدوای یەكدا بڵاو دەكرێنەوە".