نێردەى ترەمپ: گەر ئاشتیمان بوێت دەبێت بچینە نێو قۆناغی دووەمی ئاگربەستەوە

پەیام 
 
نێردەی تایبەتی سەرۆكی ئەمریكا بۆ رۆژهەڵاتی ناوەڕاست رایگەیاندووە، پێویستە دەروازەی ڕەفەح بكرێتەوە چونكە ئەوە یەكێكە لە بەڵێنەكانی قۆناغی دووەمی ئاگربەست، هەروەها راشیگەیاند، گەر پێویست بكات لەگەڵ حەماس كۆ دەبینەوە.

نێردەی سەرۆكی ئەمریكا بۆ رۆژهەڵاتی ناوەڕاست لە میانەی كۆنگرەیەكی رۆژنامەنووسیدا لە ویلایەتی فلۆریدای ئەمریكا رایگەیاند، قۆناغی دووەمی ئاگربەست دەستپێدەكات و لەم قۆناغەدا پێویستمان بە متانە هەیە.

ویتكۆف وتیشی، ئەگەر ئاشتیمان بوێت دەبێت بچینە نێو قۆناغی دووەمی ئاگربەستەوە، ئەم قۆناغە بۆ گەلی فەلەستینی و ئیسرائیلی بایەخی زۆرە، لەگەڵ ئەوەدا پێویستمان بە بوونی متمانە هەیە لە نێوان لایەنەكاندا.

نێردەی سەرۆكی ئەمریكا وتیشی، پێویستمان بەوە هەیە كە دەروازەی ڕەفەح بكرێتەوە، ئەوە بەڵێنێكە كە ئیسرائیل بەستوویەتییەوە بە ناردنەوەی دواین ڕووفات كە لە كەرتی غەززە ماوە.

هەروەها وتیشی، لەم قۆناغەدا گەر پێویستی كرد لەگەڵ سەركردەكانی حەماس كۆ دەبینەوە.