بڕیار وایە ئەمڕۆ مەزڵووم عەبدی سەردانی دیمەشق بكات و لەگەڵ ئەحمەد شەرع كۆ ببێتەوە

پەیام

بۆ تاوتوێكردنی ڕێكەوتنی نێوان هەسەدە و دیمەشق و وردەكارییەكانی جێبەجێكردنی، بڕیار وایە ئەمڕۆ مەزڵووم عەبدی فەرماندەی گشتی هەسەدە سەردانی دیمەشق بكات و لەگەڵ سەرۆككۆماری سووریا كۆ ببێتەوە.

دوای ئەوەی شەوی ڕابردوو دەقی ڕێكەوتننامەی نێوان هەسەدە و دیمەشق بڵاو كرایەوە، لە پەیامێكی ڤیدیۆییدا مەزڵووم عەبدی، فەرماندەی گشتی هێزەكانی سوریای دیموكرات (هەسەدە) رایگەیاند، ئەمڕۆ سەردانی دیمەشق دەكات و تاوتوێی ڕێكەوتنەكە دەكات.
مەزڵووم عەبدی رایگەیاند، ئەمڕۆ سەردانی دیمەشق دەكات و بە ئامادەبوونی تۆم باراك، نوێنەری تایبەتی سەرۆكی ئەمریكا لەگەڵ ئەحمەد شەرع، سەرۆكی كاتی سووریا كۆ دەبێتەوە و ناوەڕۆكی ڕێكەوتنی ئاگربەست گەنگەشە دەكەن.

كۆبوونەوە چاوەڕوانكراوەكەی مەزڵووم عەبدی و ئەحمەد شەرع لەكاتێكدایە كە چەند ڕۆژێكە پێكدادانی توندی سەربازی لە نێوان  هێزەكانی سوریای دیموكرات و سوپای سووریا بەڕێوە دەچێت و مەترسیی دروستبوونی شەڕێكی ناوخۆیی توند لەئارادا بوو، بەڵام دوێنێ‌ ئاگربەست ڕاگەیەنرا.