ئەمڕۆ خشتەی مووچە ڕادەگەیەندرێت و پرۆسەی دابەشکردنی دەستپێدەکات

پەیام 
 
وەزارەتی دارایی و ئابووریی هەرێم ڕایگەیاند، ئەمڕۆ دواین گوژمەی پارەی مووچەی مانگی دووى فەرمانبەران خرایە سەر هەژمارەکەیان و دوای تەواوکردنی رێکارەکان، هەر ئەمڕۆ خشتەی دابەشکردنی مووچە رادەگەیەندرێت و پرۆسەى دابەشکردنى دەستپێدەکات.
 
وەزارەتەکە ئاماژەی بەوە کردووە، بڕی (295 ملیار و 405 ملیۆن) دینار وەک تەواوکاریی مووچەی مانگی دوو، لە لقی هەولێری بانکی ناوەندیی عێراقەوە خراوەتە سەر هەژماری بانکیی وەزارەت.

جەختى لەوەشکردووە، هەر ئەمڕۆ دوای تەواوکردنی ڕێکارە بانکییەکان و وەرگرتنی پارەکە، خشتەی مووچە ڕادەگەیەنرێت و پرۆسەی دابەشکردنی دەست پێ دەکات.

نۆ ڕۆژ لە مانگى سێ تێپەڕیوە و تائێستا دەستبەدابەشکردنى مووچەى مانگى دووى فەرمانبەرانى هەرێم نەکراوە، ساڵى ڕابردووش مووچەى مانگەکانى 11 و 12 ى فەرمانبەرانى هەرێم دابەشنەکرا.